लोणावळा, पुणे : आम्हाला आमचे उमेदवार लोकसभेला निवडून आणायचे आहेत, आम्ही जनतेत फिरतो, त्यावेळी लोकांनाही बदल हवा आहे. लोकांना भाजप नकोय आता, ज्या ज्या ठिकाणी आमचे उमेदवार आहेत, त्या त्या ठिकाणी आम्ही १०० टक्के जिंकून येणार, भाजप हवा करतंय, आमच्या रक्तातात काँग्रेस आहे. त्यामुळे काही झालं तरी मरेपर्यंत काँग्रेस सोडणार नाही, असा घणाघात काँग्रेस आमदार प्रणिती शिंदे यांनी केला आहे.

लोणावळा येथे काँग्रेसच्या दोन दिवसीय चिंतन शिबिराचे आयोजन करण्यात आले आहे. यात सर्व काँग्रेसचे दिग्गज नेते उपस्थित आहेत. आज दुसऱ्या दिवशी माध्यमांशी संवाद साधताना प्रणिती शिंदे यांनी ही माहिती दिली आहे.
लातूरला जातोय, वेगळे तर्क लावू नका; काँग्रेस शिबिरातून निघताना अमित देशमुख यांचं भाष्य
यावेळी प्रणिती शिंदे म्हणाल्या की, चंद्रशेखर बावनकुळे काँग्रेसला संपवण्याची फक्त स्वप्न बघावी, तसेच त्यांचा ग्राऊण्ड लेव्हलवर अभ्यास कमी आहे. अशोक चव्हाण हे भाजप सोबत गेले, मात्र त्यांना प्रचंड प्रेशर करण्यात आलं, त्यांनी अंतर्गत कारणामुळे काँग्रेस सोडली. नांदेडमधील सर्व कार्यकर्ते पदाधिकारी आमच्यासोबत असल्याचे प्रणिती शिंदे म्हणाल्यात.
राष्ट्रीय सहकारी साखर कारखाना महासंघ अध्यक्षपदी हर्षवर्धन पाटील; शाहांची सूचना, पवारांना धक्का
पुढे त्यांनी सांगितले की, आम्ही आमचे उमेदवार निवडून आणण्यासाठी आणि जी आमची माणसं भाजपमध्ये गेली त्यांना परत आणण्याची ताकद आमच्यात आहे. आणि आम्ही ते करून दाखवणार. त्यामुळे मी शेवटपर्यंत काँग्रेस सोबतच काम करणार आणि भाजपला संपवणार, असा निश्चय प्रणिती शिंदे यांनी माध्यमांशी बोलताना बोलून दाखवला.

Read Latest Maharashtra News Updates And Marathi News

लोणावळा येथे भरलेल्या शिबिरात आम्ही लोकसभा निवडणुकीच्या रणनीतीवर चर्चा करत आहोत. एकटा निर्णय आम्ही कोणावरही लादत नाही, आम्ही सर्वांशी विचार करून निर्णय घेत असल्याचे शिंदे यांनी सांगितले.