ठाणे (अंबरनाथ) : ठाणे जिल्ह्यातील अंबरनाथ पूर्वेच्या दुर्गापाडा परिसरात रात्रीच्या सुमारास दुहेरी हत्याकांड घडल्याची धक्क्कादायक घटना समोर आली आहे. सुरज परमार आणि सुरज कोरी या दोन तरुणांची लाठ्या काठ्यांनी मारहाण करुन हत्या करण्यात आल्याचे बोलले जात असून रात्रीच्या सुमारास घडलेल्या या दुहेरी हत्याकांडाने दुर्गापाडा परिसरात एकच खळबळ उडाली आहे.

घटनेची माहिती मिळताच शिवाजीनगर पोलिसांनी घटनास्थळी धाव घेत दोघांचे मृतदेह अंबरनाथच्या उपजिल्हा रुग्णालयात शवविच्छेदनासाठी पाठवलेत. या प्रकरणी शिवाजीनगर पोलीस ठाण्याच्या पोलिसांनी १० जणांना चौकशीसाठी ताब्यात घेतल्याची प्राथमिक माहिती आहे.
सुषमा अंधारेंवर शिवसेना-मनसेच्या महिलांकडूनच चप्पल फेक, पूर्वी देवतांचा अपमान केल्याचा आरोप
शुक्रवारी रात्रीच्या सुमारास घडलेल्या या दुहेरी हत्याकांडाचा तपास शिवाजीनगर पोलीस आणि उल्हासनगर क्राईम ब्रँचकडून सुरु करण्यात आलाय. ही हत्या का झाली? कशी झाली? आणि का करण्यात आली? याबाबत विविध अंदाज लावले जात आहेत. दरम्यान, मृत झालेल्या दोन्ही व्यक्ती भुरटे चोर असल्याचे बोलले जात असून त्यांच्यावर विविध पोलीस ठाण्यात चोरीचे गुन्हे दाखल असल्याची देखील माहिती देखील समोर आली आहे.