ठाणे : भाजप आमदार गणपत गायकवाड यांनी शिवसेना शहरप्रमुख महेश गायकवाड यांच्यावर गोळीबार केला आणि राजकीय वर्तुळात एकच खळबळ उडाली. या घटनेनंतर आमदार गणपत गायकवाड व त्यांच्या दोन साथीदारांना पोलिसांनी अटक केली आहे. तर हल्ल्यात जखमी झालेले महेश गायकवाड व राहुल पाटील यांच्यावर उपचार सुरु आहेत. त्याचदरम्यान, पोलीस कोठडीत असलेले आमदार गणपत गायकवाड यांनी अन्नत्याग केला असल्याची माहिती पोलीस सूत्रांनी दिली आहे. काल रविवारी रात्रीपासून गायकवाडांनी अन्नत्याग केला असल्याचं वृत्त येत आहे. पोलिसांनी बऱ्याचवेळा विनवण्या केल्यानंतर गणपत गायकवाड यांनी फक्त चहा घेतला असल्याची माहिती पोलीस सूत्रांनी दिली आहे.

कुटुंबातील लोक राजकारणात असणं गैर नाही पण पक्ष एकाच व्यक्तीभोवती फिरणं हे चांगलं नाही, मोदींची सडकून टीका
त्याचदरम्यान, आता सोशल मीडियावर देखील दोघांच्या समर्थकांकडून समर्थन, पाठिंबा देणारे रिल्स व्हायरल केले जात आहेत. आमदार गणपत गायकवाड यांच्या समर्थनार्थ आमदार गायकवाड यांचे कार्यकर्ते रिल्स व्हायरल करतायत तर दुसरीकडे शिवसेना शहरप्रमुख महेश गायकवाड यांना पाठिंबा देणारे रिल्स देखील महेश गायकवाड समर्थकांकडून सोशल मीडियावर व्हायरल करण्यात येत आहेत. एकमेकांना आव्हान – प्रतिआव्हान देणारे हे रिल्स वायरल होत असल्याने एकूणच आता सोशल मीडियावर देखील वातावरण तापू लागलं आहे.

दरम्यान, आज सोमवारी सकाळी खासदार डॉ. श्रीकांत शिंदे यांनी ठाण्यातील ज्युपिटर हॉस्पिटल येथे महेश गायकवाड यांची भेट घेतली. महेश यांच्या तब्येतीमध्ये आता सुधारणा होत आहे, अशी माहिती त्यांनी त्यावेळी दिली.

अजित पवार म्हणाले, मी उमेदवार समजून मतदान करा, रोहित पवारांना दाट संशय, म्हणाले, त्यांच्या घरातला…