परभणी: सर्वसामान्य कुटुंबातील अन् परभणीसारख्या शैक्षणिकदृष्ट्या मागास भागातून शिक्षण पूर्ण केलेल्या शितल बाळासाहेब घोलप हिने महाराष्ट्र लोकसेवा आयोगाच्या परीक्षेच्या माध्यमामधून उपजिल्हाधिकारी पदी झेप घेतली. येथील वसंतराव नाईक मराठवाडा कृषी विद्यापीठातील कृषी सहाय्यक बाळासाहेब घोलप यांची कन्या शितल हिचे कृषी सारथी कॉलनीतील गांधी विद्यालयात प्राथमिक आणि माध्यमिक शिक्षण झाले. पुढे तिने श्री शिवाजी महाविद्यालयात उच्च माध्यमिकपर्यंतचे शिक्षण घेतले.
शरद पवार यांच्या मृत्यूची वाट पाहणं हे काय राजकारण आहे का अजितदादा? जितेंद्र आव्हाड भडकले
सीईटी परिक्षेत तिने परभणी जिल्ह्यातून मुलीमध्ये प्रथम क्रमांक पटकावला आहे. पुढे कॉलेज ऑफ इंजिनिअरींग पुणे येथून कॉम्प्युटर सायन्स या बॅचमधून पदवीचे शिक्षण पूर्ण केले. त्या ठिकाणी कॅम्पस इंटरव्ह्यूमध्ये मोठ्या पॅकेजवर काही कॉर्पोरेट कंपन्यांमधून निवड झाली खरी, परंतु कितीही मोठे पॅकेज मिळाले तरी ते आपल्या स्वतःसाठीच होईल. परंतु सर्वसामान्यांची कामे करता येणार नाहीत. म्हणून शितल घोलपने स्पर्धा परिक्षेच्या माध्यमातून अधिकारी पद पटकावून समाजसेवेचा संकल्प केला. सर्वसामान्य कुटुंबातून असल्याने व्यवस्थेच्या निम्नस्तरापासून ते उच्च स्तरापर्यंत विविध कामांसाठी सर्वसामान्य नागरिकांचा संघर्ष शितलने जवळून पाहिला आहे. याच समाजाची सेवा करण्याचे स्वप्न तिने स्पर्धा परिक्षेच्या माध्यमातून पाहिले.
शरद पवार यांच्या मृत्यूची वाट पाहणं हे काय राजकारण आहे का अजितदादा? जितेंद्र आव्हाड भडकलेसीईटी परिक्षेत तिने परभणी जिल्ह्यातून मुलीमध्ये प्रथम क्रमांक पटकावला आहे. पुढे कॉलेज ऑफ इंजिनिअरींग पुणे येथून कॉम्प्युटर सायन्स या बॅचमधून पदवीचे शिक्षण पूर्ण केले. त्या ठिकाणी कॅम्पस इंटरव्ह्यूमध्ये मोठ्या पॅकेजवर काही कॉर्पोरेट कंपन्यांमधून निवड झाली खरी, परंतु कितीही मोठे पॅकेज मिळाले तरी ते आपल्या स्वतःसाठीच होईल. परंतु सर्वसामान्यांची कामे करता येणार नाहीत. म्हणून शितल घोलपने स्पर्धा परिक्षेच्या माध्यमातून अधिकारी पद पटकावून समाजसेवेचा संकल्प केला. सर्वसामान्य कुटुंबातून असल्याने व्यवस्थेच्या निम्नस्तरापासून ते उच्च स्तरापर्यंत विविध कामांसाठी सर्वसामान्य नागरिकांचा संघर्ष शितलने जवळून पाहिला आहे. याच समाजाची सेवा करण्याचे स्वप्न तिने स्पर्धा परिक्षेच्या माध्यमातून पाहिले.
सुरुवातीला अनेक परिक्षेत येणारे अपयश, पुण्यात लागणारा खर्च त्यामुळे अनेक अडचणींचे प्रसंग निर्माण झाले. मात्र आई-वडिलांच्या कष्टासमोर आपली मेहनत किरकोळ असल्याचे स्वतःला समजावत शितल अभ्यासात मग्न राहिली. कोरोनाच्या काळात पुणे सोडून परभणीत घरी अभ्यास केला. काही काळानंतर पुन्हा पुणे गाठले अन् आता अधिकारी होऊनच घरी परतायचे, अशी खुणगाठ बांधून सातत्याने अभ्यासावर लक्ष केंद्रीत केले. त्याच कष्टाचे पहिले फळ म्हणून शितल नोव्हेंबर २०२२ मध्ये एमपीएससीमधून सरळ सेवेने राज्य विक्रीकर निरीक्षक (एसटीआय) या पदावर वस्तू आणि सेवा कर या विभागात निवडली गेली. मार्च २०२३ मध्ये रेंज फॉरेस्ट ऑफिसर म्हणून वन विभागात निवड झाली.
या दोन्ही यशाने हुरळून न जाता वस्तू व सेवा कर विभागात काम करताना महाराष्ट्र लोकसेवा आयोगाच्या परिक्षांची तयारी सुरुच ठेवली. त्यामध्ये शितल यशस्वी ठरली. दरम्यान, आई-वडिलांसह मित्र परिवारास शितलच्या या उपजिल्हाधिकारी पदाच्या निवडीबद्दल आनंदाला आभाळ ठेंगणे झाले आहे. तर कष्टाचे चीझ झाल्याची भावना शितल बोलून दाखवत आहे. स्पर्धा परिक्षेची तयारी करत असताना सातत्य अतिशय महत्वचे ठरते. आपली कष्ट करण्याची तयारी आणि क्षमता देखील पाहिजे. परिक्षेचा अभ्यास नीट समजून घेतला की आठ ते दहा तास अभ्यास करण्याची तयारी ठेवली तर यश हमखास मिळू शकते. आपण समाजाचे काही देणे लागतो, त्यामुळे या क्षेत्रात काम करण्याची आपली मनापासून इच्छा आहे, अशी प्रतिक्रिया शितल घोलपने व्यक्त केले.