पूर्वी भारतीय पुरुषांत तोंड, घसा या प्रकारचा कर्करोग प्रामुख्याने आढळत होता. महिलांमध्ये गर्भाशयाचा कर्करोग दिसत होता. मात्र, गेल्या काही वर्षांमध्ये स्त्री आणि पुरुषांमध्ये फुप्फुस, पोटाचा, आतड्यांचा अशा अवयवांचा कर्करोग आढळत आहे. कर्करोगाचे वाढते प्रमाण आणि बदलत असलेले स्वरूप यामुळे रुग्णांची नोंदणी करून त्यांचा अभ्यास करणे आवश्यक असल्याची अपेक्षा ‘जागतिक कर्करोग दिना’निमित्त कर्करोग तज्ज्ञांनी व्यक्त केली.

पुरुषांमध्ये तोंड, घसा, फुप्फुस या कर्करोगाचे प्रमाण वाढताना दिसत आहे. महिलांमध्ये फुप्फुस, गर्भाशय आणि स्तनांचा कर्करोग वाढत असल्याची स्थिती आहे. गेल्या काही वर्षांमध्ये कर्करोगाचे स्वरूप बदलत असल्याचे दिसून येत आहे. त्यामुळे कर्करोगाच्या रुग्णांच्या नोंदी होणे गरजेचे आहे. कोणत्या कारणांमुळे या आजारात वाढ होत आहे याचाही अभ्यास होणे गरजेचे आहे.- डॉ. संजय देशमुख, संचालक, इंद्रायणी हॉस्पिटल अँड कॅन्सर इन्स्टिट्यूट

लवकर निदान, नियमित तपासणी, तंबाखू आणि दारूचे व्यसन टाळल्यास कर्करोगाशी संबंधित किमान ४० टक्के मृत्यू टाळता येऊ शकतात. यासाठी योग्य जीवनशैली, संतुलित आहार ठेवणे; तसेच नियमित व्यायाम करणे गरजेचे आहे. लक्षणे दिसताच उपचार घेतल्यास यातून बरे होणे शक्य आहे.- डॉ. हर्षल पांडवे, कम्युनिटी मेडिसिन तज्ज्ञ
पुरुषांचं आरोग्य खालावतंय; राज्यात ‘या’ आजाराचे सर्वाधिक रुग्ण पुण्यात, काय सांगते आकडेवारी?
तरुणांमध्ये व्यसनाचे प्रमाण अधिक

सातत्याने करण्यात येत असलेल्या सर्वेक्षणामध्ये १५ ते २४ या वयोगटातील तरुणांमध्ये तंबाखू; तसेच निकोटिन सेवनाचे प्रमाण सर्वाधिक असल्याचे जागितक आरोग्य संघटननेच्या (डब्लूएचओ) अहवाल म्हटले आहे. तरुणांमधील तंबाखूचे प्रमाण कमी करण्यासाठी सर्वच देशांनी पावले उचलण्याची गरज ‘डब्लूएचओ’ने व्यक्त केली. दक्षिण-पूर्व आशियाई देशांमध्ये २६.३ टक्के नागरिक तंबाखूचा वापर करीत असून, युरोपीय देशांमध्ये तंबाखू सेवनाचे प्रमाण २५.३ टक्के असल्याचे ‘डब्लूएचओ’च्या अहवालात सांगण्यात आले आहे.

४० ते ४५ टक्के
पुरुषांना तोंडाचा, घशाचा कर्करोग

४० ते ४५ टक्के
महिलांना फुप्फुस, गर्भाशय, स्तनांचा कर्करोग