ते पुढे म्हणाले की, उद्धव ठाकरे तुम्ही एका गटाचे प्रमुख आहात. तुम्ही मोठ्या मैदानामध्ये किंवा हॉलमध्ये सभा घेतली पाहिजे, असा सल्ला माजी खासदार निलेश राणे यांनी दिला आहे. कुडाळ शहरांमध्ये आधीच गर्दी असते. त्यामध्ये सर्व लोकांना ट्रॅफिकचा सामना करावा लागतो आणि अशा ठिकाणी तुम्ही जर सभा घ्यायला गेलात तर ते सर्वसामान्य लोकांना अडचणीचा ठरणार आहे. या संदर्भात कुडाळ पोलीस ठाण्यामध्ये तक्रार देखील दिली जाणार आहे.

निलेश राणे म्हणाले की, जर कुठल्या पक्षाचा प्रमुख नेता येत असेल तर त्यांनी हॉलमध्ये किंवा मैदानामध्ये सभा घ्यावी. जिथे लोकांची गर्दी आहे तिथे घुसण्याचा प्रयत्न करू नका. मला माहिती आहे तुम्हाला लोकं जमवण्यासाठी अडचण होत आहे. आम्ही तुम्हाला मदत करू, दोन पाचशे लोक जमवण्यासाठी पण लोकांना अडचणीत टाकू नका. सभेचं ठिकाण बदला आणि योग्य त्या ठिकाणी सभा घ्या. उद्धव ठाकरे यांच्या सभेमुळे आम्हाला कधीच फरक पडला नाही. लोकांना अडचण होईल, असं काही करू नका. म्हणून मी या निमित्ताने आपल्याला विनंती करतो, असं ते म्हणाले आहेत.