म. टा. प्रतिनिधी, पुणे: फळभाज्यांची आवक मागील आठवड्याच्या तुलनेत घटल्याने लसूण, टोमॅटो, शिमला मिरची आणि घेवड्याच्या दरांत वाढ झाली असून, इतर फळभाज्यांचे दर स्थिर आहेत. काही भाज्यांच्या दरात दहा ते वीस टक्क्यांनी वाढ झाली आहे. मागणी वाढल्यास भाज्या महागण्याची शक्यता व्यापाऱ्यांनी वर्तवली आहे.
पुणे बाजार समितीच्या श्री छत्रपती शिवाजी मार्केaट यार्डात रविवारी फळभाज्यांची आवक काही प्रमाणात घटली. गुलटेकडीतील मार्केट यार्डात राज्यातून आणि परराज्यांतून सुमारे ९० ट्रक फळभाज्यांची आवक झाली. कर्नाटक, गुजरात, आंध्र प्रदेश येथून हिरवी मिरची सुमारे ७ ते ८ टेम्पो, कर्नाटक, गुजरातमधून कोबी तीन ते चार टेम्पो, आंध्र प्रदेश, तमिळनाडूतून शेवगा तीन ते चार टेम्पो, राजस्थानातून गाजर ११ ते १२ टेम्पो, कर्नाटकातून घेवडा तीन ते चार टेम्पो, भुईमुगाच्या शेंगा दोन टेम्पो, मध्य प्रदेश, राजस्थान येथून मटार १५ ते १६ ट्रक, पावटा दोन ते तीन टेम्पो, मध्य प्रदेशातून लसणाची पाच ते सहा टेम्पोंची आवक झाली.
पुणे बाजार समितीच्या श्री छत्रपती शिवाजी मार्केaट यार्डात रविवारी फळभाज्यांची आवक काही प्रमाणात घटली. गुलटेकडीतील मार्केट यार्डात राज्यातून आणि परराज्यांतून सुमारे ९० ट्रक फळभाज्यांची आवक झाली. कर्नाटक, गुजरात, आंध्र प्रदेश येथून हिरवी मिरची सुमारे ७ ते ८ टेम्पो, कर्नाटक, गुजरातमधून कोबी तीन ते चार टेम्पो, आंध्र प्रदेश, तमिळनाडूतून शेवगा तीन ते चार टेम्पो, राजस्थानातून गाजर ११ ते १२ टेम्पो, कर्नाटकातून घेवडा तीन ते चार टेम्पो, भुईमुगाच्या शेंगा दोन टेम्पो, मध्य प्रदेश, राजस्थान येथून मटार १५ ते १६ ट्रक, पावटा दोन ते तीन टेम्पो, मध्य प्रदेशातून लसणाची पाच ते सहा टेम्पोंची आवक झाली.
‘स्थानिक भागातून सातारी आल्याची ६०० ते ७०० गोण्या, भेंडी पाच ते सहा टेम्पो, गवार दोन ते तीन टेम्पो, टोमॅटो आठ ते नऊ हजार क्रेट्स, हिरवी मिरची पाच ते सहा टेम्पो, काकडी सात ते आठ टेम्पो, फ्लॉवर १० ते १२ टेम्पो, कोबी पाच ते सहा टेम्पो, शिमला मिरची आठ ते दहा टेम्पो, पावटा चार ते पाच टेम्पो, तांबडा भोपळा १० ते १२ टेम्पो, शेवगा दोन ते तीन टेम्पो, घेवडा पाच ते सहा टेम्पो, कांदा १०० ट्रक, इंदूर, आग्रा आणि स्थानिक भागातून बटाट्याची ५० टेम्पोंची आवक झाली,’ अशी माहिती ज्येष्ठ आडतदार विलास भुजबळ यांनी दिली.
डाळिंब, लिंबू आणि पपईचे दर वाढले
डाळिंब, लिंबू आणि पपई या फळांना मागणी वाढल्याने दर वाढले आहेत. कलिंगड, खरबूज, सीताफळ, अननस, संत्री, मोसंबी, चिकू आणि पेरूचे दर स्थिर असल्याची माहिती व्यापाऱ्यांनी दिली़ केरळ येथून अननस ८ ट्रक, मोसंबी ४० ते ५० टन, संत्री १० ते १२ टन, डाळिंब २५ ते ३० टन, पपई १५ ते २० टेम्पो, लिंबाची एक ते दीड हजार गोण्या, कलिंगड ७ ते ८ टेम्पो, खरबूज ५ ते ६ टेम्पो, सीताफळ १० ते १२ टन, चिकूची दोन हजार बॉक्सची आवक झाली.
फुलांचे दर स्थिर
फुलबाजारात फुलांची आवक साधारण झाली. आवक आणि मागणी यात तफावत नसल्याने दर स्थिर आहेत. फुलांचे प्रतिकिलोचे दर : झेंडू : ७०-१००, गुलछडी : २५०-३००, अ‍ॅष्टर जुडी १४-२०, सुट्टा ८०-१२०, कापरी : ७०-१००, शेवंती : ७०-११०, (गड्डीचे भाव) गुलाबगड्डी : १०-२५, गुलछडी काडी : १३०-१५०, डच गुलाब (२० नग) : १८०-२५०, जर्बेरा : ३०-६०, कार्नेशियन : १००-१५०, शेवंती काडी २००-३००, लिलियम (१० काड्या) ८००-१०००, ऑर्किड : ४००-६००, ग्लॅडिओ (१० काड्या) ८०-१२०, जिप्सोफिला : २००-४०० रुपये.
चिकन, मटणाला मागणी वाढली
‘ चिकन, मटण, अंडी यांची मागणी पुन्हा वाढू लागली आहे. गणेशपेठ मासळी बाजारात सर्व प्रकारच्या मासळीच्या दरांत दहा ते वीस टक्क्यांनी वाढ झाली आहे. बाजारात खोल समुद्रातील मासळी १० ते १५ टन, खाडीची मासळी १०० ते २०० किलो आणि नदीच्या मासळीची ५०० ते ७०० किलोची आवक झाली. आंध्र प्रदेश येथून रहू, कटला आणि सिलनचीही सुमारे १५ ते २० टनांची आवक झाली,’ अशी माहिती मासळीचे व्यापारी ठाकूर परदेशी, चिकन-अंड्यांचे व्यापारी रूपेश परदेशी आणि मटणाचे विक्रेते प्रभाकर कांबळे यांनी दिली.