नवी मुंबई : मराठा आरक्षणासाठी मुंबईकडे निघालेले मनोज जरांगे पाटील यांच्या मोर्चाचा मुक्काम २५ जानेवारी या दिवशी नवी मुंबईत असल्याने एपीएमसी मार्केट बंद ठेऊन मराठा आंदोलकांना राहण्यासाठी जागा उपलब्ध करून दिली जाणार आहे. तसेच एपीएमसी परिसरातील वाहतूक व्यवस्थेमध्ये बदल करण्यात आला असल्याची माहिती एपीएमसी वाहतूक शाखेच्या पोलीस निरीक्षक विमल बिडवे यांनी दिली.
मनोज जरांगे यांच्या नवी मुंबईतील मोर्चाच्या पार्श्वभूमीवर २५ तारखेला एपीएमसी मार्केट राहणार बंद राहणार आहे. एपीएमसी मार्केट बंद ठेऊन मराठा आंदोलकांना राहण्यासाठी जागा उपलब्ध करून देण्यात येणार आहे. एपीएमसीमधील पाचही बाजारपेठा बंद राहणार आहे. तर २६ जानेवारीला सार्वजनिक सुट्टी असल्याने मार्केट बंद राहणार असल्याचं एपीएमसी सचिव पी. एल. खंडागळे सांगितलं.
मनोज जरांगे यांच्या नवी मुंबईतील मोर्चाच्या पार्श्वभूमीवर २५ तारखेला एपीएमसी मार्केट राहणार बंद राहणार आहे. एपीएमसी मार्केट बंद ठेऊन मराठा आंदोलकांना राहण्यासाठी जागा उपलब्ध करून देण्यात येणार आहे. एपीएमसीमधील पाचही बाजारपेठा बंद राहणार आहे. तर २६ जानेवारीला सार्वजनिक सुट्टी असल्याने मार्केट बंद राहणार असल्याचं एपीएमसी सचिव पी. एल. खंडागळे सांगितलं.
२५ जानेवारी दुपारी २ ते २६ जानेवारी दुपारी २ वाजेपर्यंत एपीएमसी परिसरातील वाहतूक व्यवस्थेमध्ये बदल
२५ जानेवारी रोजी ००:०१ ते २६ जानेवारी रोजी २४:०० या कालावधीत नवी मुंबई पोलीस आयुक्तालय हद्दीत सर्व प्रकारच्या जड-अवजड, मालवाहतूक करणा-या वाहनांना शहराच्या सर्व मार्गावरून वाहतूक करण्यास आणि वाहने उभी करण्यास पूर्णतः बंदी घालण्यात आली आहे, अशी माहिती नवी मुंबई वाहतूक विभागाचे पोलीस उपायुक्त तिरुपती काकडे यांनी दिली.
जीवनावश्यक वाहने, पोलीस वाहने, फायर ब्रिगेड, रुग्णवाहिका, पदयात्रे सोबत असलेली वाहने, प्रवासी वाहतूक करणा-या सर्व प्रकारच्या बसेस व इतर अत्यावश्यक सेवेतील वाहनांना यातून सूट देण्यात आले आहे.
यावेळी वाहतूक कोंडी होवू नये म्हणून एपीएमसी वाहतूक शाखेच्या परिसरातील पुढील रस्ते वाहतुकीसाठी बंद करण्यात येणार असून वाहतूक दुस-या मार्गाने वळवण्यात आली आहे.
१. तुर्भे उड्डाणपूल ते वाशीतील छत्रपती शिवाजी चौकापर्यंतचा दोन्ही बाजूंचा रस्ता वाहतुकीसाठी बंद करण्यात आला आहे.
सदर वाहनांना पनवेल-सायन मार्गाने वाशी प्लाझा येथून निश्चित स्थळी जाता येईल.
२. महापे पावणे पूल कोपरखैरणेकडून येणारी सर्व वहाने पामबीच रोडने अरेंजा सिंग्नल मार्गे निश्चत स्थळी जातील; मात्र अरेंजा सिग्नलकडून तुर्भेकडे जाणारा मार्ग बंद करण्यात येणार आहे. तसेच पामबीच रोडवरील सीबीडी बेलापूर मार्गावरील कोपरी ते अरेजा सिग्नलचे दरम्यान एपीएमसी मार्केटकडे येणारे सर्व मार्गावर प्रवेश बंदी करण्यात आली आहे.
३. अन्नपूर्णा सिंग्नल, माथाडी सिग्नलकडून पुनित कॉर्नर मार्गाकडे वळून कोपरीकडे जाणारे तसेच सरळ बोनकडेकडे जाणा-या सर्व वाहनांना प्रवेश बंदी करण्यात येणार आहे. पर्यायी रस्ता म्हणून से. २६ मधील अंतर्गत रस्त्यांचा वापर करावा.
४. बोनकडे सिग्नलकडून पुनित कॉर्नर मार्ग माथाडी भवनकडे येणा-या सर्व वाहनांना प्रवेश बंदी करण्यात आली आहे. त्यांकरीत पर्यायी मार्ग पुनीत कॉर्नर येथून उजवीकडे ओळून निश्चित स्थळी जातील.
५. एव्हलॉन स्कुल चौकातुन एपीएमसीकडे येणारा व जाणारा दोनही मार्गावर प्रवेश बंदी करण्यात आली आहे.
६. सानपाडा रेल्वे स्थानकासमोरील पूल ते एपीएमसी सिग्नलकडे जाणारे व येणारे दोन मार्ग बंद करण्यात येणार आहेत.
७. से. २० तुर्भे मार्गे माथाडी भवनकडे येणा-या सर्व वाहनांना प्रवेश बंदी करण्यात आली आहे.
८. दक्षिण मुखी हनुमान मंदिर चौक येथे जनता मार्केटकडून सर्व्हिस रोडने ये-जा करणाऱ्या वाहनांना प्रवेश बंदी करण्यात आली आहे.