मराठा आरक्षण मोर्चा मनोज जरांगे पाटील यांच्या नेतृत्वाखाली बुधवारी खराडी येथून निघून येरवडा, शिवाजीनगर, औंध मार्गे पिंपरी चिंचवड असा जुन्या मुंबई-पुणे मार्गाने लोणावळा येथे मुक्कामी थांबणार आहे. त्यामुळे बुधवारी सकाळी नगर रस्ता, शिवाजीनगर, गणेश खिंड रस्ता, औंध या मार्गावरील वाहतूक सकाळी आठ पासून बंद केली जाणार आहे. त्यामुळे नागरिकांनी पर्यायी मार्गाचा वापर करावा, असे आवाहन वाहतूक शाखेकडून करण्यात आले आहे.