गवतीच्या ही वनस्पती असून एक बारमाही सुवासिक गवत आहे. कमी खर्चात जास्त उत्पादन देणाऱ्या गवती चहाची लागवड वर्षभर करता येते. लागवडीनंतर चार-पाच महिन्यांनी पहिली कापणी सुरू होते. त्यानंतरची कापणी दर तीन महिन्याने करता येते साधारणपणे वर्षात चार कापण्या होतात. गेल्या चार-पाच वर्षांपासून या परिसरात काही शेतकऱ्यांनी हे पीक घ्यायला सुरुवात केली आहे. अनुभव नसल्याने थोडाफार तोटाही सहन करावा लागला. मात्र नंतर तंत्रज्ञानाची जोड देऊन सेंद्रिय खत आणि जिवाणू खतांचा वापर केला. पाण्याचे नियोजन वेळेवर अंतर मशागत कीटकनाशकांचा वापर याची सांगड घालून उत्पादन घ्यायला सुरुवात झाली.

मुंबईच्या बाजारपेठेत या शिराळा तालुक्यातील अनेक व्यावसायिक आहेत. त्यामुळे येथे माल पाठवायला सुरुवात झाली. कमी खर्चात उसापेक्षा जास्त उत्पादन मिळत असल्यामुळे बहुतांश शेतकऱ्यांनी गवती चहाची लागवड केली आहे. यामुळे अनेक जण आवर्जून गवती चहा पितात. त्याचबरोबर यामध्ये जीवनसत्व मोठ्या प्रमाणात असते. गवती चहाचे अनेक आरोग्यदायी फायदे असल्यामुळे मुंबई मार्केटमध्ये मोठी मागणी आहे.

गवती चहाला सरासरी ३० ते ४० रुपये प्रति किलो दर मिळतो. तसेच लागवडी पूर्वी जमिनीत पुरेसे शेणखत मिसळावे. लागवडीसाठी ओळी ४४० आर एल १६ या जातीची निवड करावी. हेक्टरी २२ हजार कोंब लागतात. पहिल्या दोन वर्षात हेक्‍टरी २० टन ओल्या गवताचे उत्पादन मिळते, असे शेतकरी वर्गाने सांगितले आहे.