कल्याण: आम्ही तुम्हाला श्रीरामाचे दर्शन घडवून आणतो, असे एका जेष्ठ नागरिक महिलेला सांगून तीन भामट्यांनी एका पादचारी महिलेला २ लाख ६६ हजारांचा गंडा घातल्याचे पोलीस ठाण्यात दाखल करण्यात आलेल्या तक्रारीतून उघडकीस आले आहे. बुधवारी दुपारच्या सुमारास फसवणूकीचा हा प्रकार घडला आहे.
बांग्लादेशातून भारतात आले; टोळी बनवली अन् धक्कादायक कृत्य, दोघे पोलिसांच्या ताब्यात
मिळालेल्या माहितीनुसार, कल्याण पश्चिम येथील खडकपाडा भागातील लोटस डेंटल केअर सेंटरसमोर त्याच भागात राहणाऱ्या ५६ वर्षीय महिलेच्या बाबतीत हा प्रकार घडला आहे. तक्रारदार महिला बुधवारी दुपारी खडकपाडा भागातून पायी चालली होती. यावेळी त्यांना तीन भामट्यांनी अडवले. आम्ही राम भक्त आहोत, आम्ही तुम्हाला प्रभू रामचंद्रांचे दर्शन घडवून आणतो. यासाठी तुम्ही तुमच्या हातातील सोन्याच्या बांगड्या, इतर सोन्याचा ऐवज पिशवीत गुंडाळून ठेवा, असे भामट्यांनी महिलेला सांगितले. तीन भामट्यांच्या बोलण्यावर विश्वास ठेवून तक्रारदार महिलेने जवळील २ लाख ६६ हजारांचा सोन्याचा ऐवज पिशवीत गुंडाळला.
बांग्लादेशातून भारतात आले; टोळी बनवली अन् धक्कादायक कृत्य, दोघे पोलिसांच्या ताब्यातमिळालेल्या माहितीनुसार, कल्याण पश्चिम येथील खडकपाडा भागातील लोटस डेंटल केअर सेंटरसमोर त्याच भागात राहणाऱ्या ५६ वर्षीय महिलेच्या बाबतीत हा प्रकार घडला आहे. तक्रारदार महिला बुधवारी दुपारी खडकपाडा भागातून पायी चालली होती. यावेळी त्यांना तीन भामट्यांनी अडवले. आम्ही राम भक्त आहोत, आम्ही तुम्हाला प्रभू रामचंद्रांचे दर्शन घडवून आणतो. यासाठी तुम्ही तुमच्या हातातील सोन्याच्या बांगड्या, इतर सोन्याचा ऐवज पिशवीत गुंडाळून ठेवा, असे भामट्यांनी महिलेला सांगितले. तीन भामट्यांच्या बोलण्यावर विश्वास ठेवून तक्रारदार महिलेने जवळील २ लाख ६६ हजारांचा सोन्याचा ऐवज पिशवीत गुंडाळला.
हा ऐवज कुणी चोरू नये म्हणून भामट्यांनी स्वतःकडे घेतला. आपणास रामाचे दर्शन होत आहे. या आनंदात महिला होती. तेवढ्यात तिन्ही भामट्यांनी महिलेला एकाकी सोडून तेथून पळ काढला. आपली फसवणूक झाल्याचे लक्षात आल्यावर फसगत झालेल्या महिलेने खडकपाडा पोलीस ठाण्यात धाव घेऊन तक्रार दाखल केली आहे. या प्रकरणी फौजदार तानाजी वाघ आणि त्यांचे सहकारी तीन फरार भामट्यांचा शोध घेत आहेत.