प्रियंका पाटील-शेळके
अहमदनगर: अहमदनगर जिल्ह्यातून एक हादरवणारी बातमी आली आहे. अल्पवयीन मुलीला पळवून नेत अतिप्रसंग करून तिला मारहाण करण्यात आली आहे. त्यानंतर विहिरीत ढकलून देत तिची हत्या करण्यात आल्याचा धक्कादायक प्रकार नगरमध्ये घडला आहे.
ही घटना देहरे परिसरात घडली आहे. साक्षी तुकाराम पिटेकर असे हत्या झालेल्या अल्पवयीन मुलीचे नाव आहे. या प्रकरणी मृत साक्षीच्या मामाने दिलेल्या फिर्यादीवरून, एका अल्पवयीन मुलीसह गुन्ह्यातील दुसरा संशयित आरोपी गोट्या उर्फ ऋत्विक संजय जाधव (२२, रा. देहरे ता. नगर) या दोघांवर एमआयडीसी पोलीस ठाण्यात गुन्हा दाखल करण्यात आला आहे. शनिवारी (दि. १३) देहरे येथून मृत साक्षीचे अपहरण करण्यात आले होते. याबबत तिची आई सुवर्णा पिटेकर यांनी एमआयडीसी पोलीस ठाण्यात दिलेल्या फिर्यादीवरून फूस लावून पळविल्याचा गुन्हा दाखल करण्यात आला होता.
अहमदनगर: अहमदनगर जिल्ह्यातून एक हादरवणारी बातमी आली आहे. अल्पवयीन मुलीला पळवून नेत अतिप्रसंग करून तिला मारहाण करण्यात आली आहे. त्यानंतर विहिरीत ढकलून देत तिची हत्या करण्यात आल्याचा धक्कादायक प्रकार नगरमध्ये घडला आहे.
ही घटना देहरे परिसरात घडली आहे. साक्षी तुकाराम पिटेकर असे हत्या झालेल्या अल्पवयीन मुलीचे नाव आहे. या प्रकरणी मृत साक्षीच्या मामाने दिलेल्या फिर्यादीवरून, एका अल्पवयीन मुलीसह गुन्ह्यातील दुसरा संशयित आरोपी गोट्या उर्फ ऋत्विक संजय जाधव (२२, रा. देहरे ता. नगर) या दोघांवर एमआयडीसी पोलीस ठाण्यात गुन्हा दाखल करण्यात आला आहे. शनिवारी (दि. १३) देहरे येथून मृत साक्षीचे अपहरण करण्यात आले होते. याबबत तिची आई सुवर्णा पिटेकर यांनी एमआयडीसी पोलीस ठाण्यात दिलेल्या फिर्यादीवरून फूस लावून पळविल्याचा गुन्हा दाखल करण्यात आला होता.
दरम्यान, साक्षीचा मृतदेह मंगळवारी दुपारी देहरे शिवारातील एका विहिरीत आढळून आला. एमआयडीसी पोलिसांनी तपासाची सूत्रे हलविल्यावर या प्रकरणातील अनेक धक्कादायक बाबी समोर आल्या. त्रिकोणी प्रेमातून एका सोळा वर्षीय अल्पवयीन मुलीने प्रियकराच्या मदतीने साक्षीचा काटा काढल्याचे उघड झाले. आरोपी गोट्या उर्फ ऋत्विक संजय जाधव याचे या सोळा वर्षीय अल्पवयीन मुलीसोबत प्रेमसंबंध आहेत. तसेच ऋत्विकचे साक्षीसोबतही प्रेमसंबंध निर्माण झाले होते. ही बाब अल्पवयीन मुलीला खटकल्याने तिने तू ऋत्विकबरोबर का बोलते, असे विचारत साक्षीला मारहाण केली.
त्यानंतर तिला देहरे शिवारातील जाधव वस्तीकडे घेऊन गेली. तेथे गेल्यानंतर या अल्पवयीन मुलीने प्रियकर ऋत्विक जाधवच्या मदतीने साक्षीला लाथाबुक्क्यांनी आणि हत्याराने डोक्यात मारहाण करून विहिरीत ढकलून दिले. घटनेपूर्वी ऋत्विकने साक्षीसोबत अतिप्रसंग केला असल्याचे देखील फिर्यादीत म्हटले आहे. याबाबत एमआयडीसी पोलीस ठाण्यात खून, अत्याचार, पोक्सो अंतर्गत दोघांवर गुन्हा दाखल केला आहे. अल्पवयीन मुलीला बालसुधारगृहात पाठविण्यात आले असून, गोट्या उर्फ ऋत्विक जाधवला अटक करण्यात आली आहे.