राहुल नार्वेकर यांचा मुख्य निकाल काय?

पक्षाची घटना, नेतृत्व आणि विधिमंडळातील बहुमत याचा अभ्यास करून एकनाथ शिंदे यांच्या गटाला मी खरी शिवसेना म्हणून मान्यता देतो, असा निकाल विधानसभा अध्यक्ष राहुल नार्वेकर यांनी दिला.

त्याचवेळी एकनाथ शिंदे यांचे आमदार भरत गोगावले यांचा व्हिपही राहुल नार्वेकर यांनी वैध ठरवला आहे.

दुसरीकडे एकनाथ शिंदेंची गटनेतेपदी निवड वैध ठरवत २१ जून २०२२ ला शिवसेनेमध्ये फूट पडली. त्यामुळे त्या तारखेनंतर सुनील प्रभूंचा व्हीप लागू होत नाही. तसेच सुनील प्रभूंना पक्षासाठी कोणतीही बैठक बोलावण्याचा अधिकार नव्हता. त्यामुळे शिंदे गटाच्या सदस्यांवर अपात्रतेची कारवाई करण्याची मागणी फेटाळली.

त्याचवेळी एकनाथ शिंदे यांच्या गटाचे व्हिप भरत गोगावले यांचा पक्षादेश ठाकरे गटाला किंबहुना ठाकरे गटातील सदस्यांना दिला असल्याचे पुरावे शिंदे गट सादर करू न शकल्याने त्यांची याचिका फेटाळून लावत असल्याचं सांगत एकनाथ शिंदे गटाच्या आमदारांना अपात्र ठरवता येणार नाही, असं राहुल नार्वेकर यांनी स्पष्ट केलं.