जामखेड शहरातील एका दिव्यांग बांधवाला उपचारासाठी प्रहारचे तालुका अध्यक्ष नय्युमभाई शेख हे आपला दवाखाना या ठिकाणी घेऊन गेले असता त्याठिकाणी कोणीही कर्मचारी उपलब्ध नव्हते. दुरध्वनीवरून संपर्क करण्याचा प्रयत्न केला असता कोणताही प्रतिसाद मिळाला नसल्याने दिव्यांग बांधव शेख यांनी ठिकाणी बोलताना तीव्र नाराजी व्यक्त केली. एक तर दिव्यांगांना उपचार घेण्यासाठी दुसऱ्यांवर अवलंबून राहावे लागते. कसंबसं कोणाच्यातरी मदतीने याठिकाणी गेले तर उपचारासाठी डॉक्टर नाही. त्यामुळे यावर मार्ग काढावा.

यावेळी बोलताना शेख म्हणाले की. शासनाने आपला दवाखाना म्हणून गाजावाजा करत फक्त बोर्ड लावले. जाहिरातीसाठी मोठा खर्च केला. परंतु प्रत्यक्षात येथे कसलीही सुविधा सद्या स्थितीत मिळत नाही. त्यामुळे संबंधित विभागाने लक्ष्य घालून ताबडतोब रुग्णसेवा सुरळीत करावी, अन्यथा प्रहार जनशक्ती पक्ष रस्त्यावर उतरून आंदोलन करण्याचा इशारा त्यांनी दिला.