तो ग्राहक हा आयएएस अधिकारी होता. त्याच्यासोबत त्याचा घरामध्ये त्याचा भाऊ देखील होता. इंटरनेटची तपासणी केली असता इंटरनेट सुरळीत चालू असल्याची खात्री झाली. परंतु आयएएस अधिकारीला बेडरूममध्ये रेंज मिळत नसल्याचे त्याने मांढरेला सांगितले. मांढरेने त्याची देखील पाहणी केली. बेडरूममध्ये त्याला रेंज मिळत नव्हती. त्यावर मांढरे यांनी त्याला सांगितले तुमचे 4BHK घर आहे. हॉलमध्ये राऊटर लावल्याने त्याची रेंज बेडरूम पर्यंत मिळण शक्य नाही. त्यावर आयएएस अधिकारी मांढरे यांच्यावर भडकला. “मी एवढे पैसे भरले आहेत मला बेडरूममध्ये रेंज आलीच पाहिजे” असं तो बोलू लागला.

त्यावर मांढरे यांनी मित्तल यांना wifi solution बद्दल सांगितले. परंतु त्यावर तो अजून भडकला. मांढरे यांना शिवीगाळ देण्यास सुरुवात केली. मात्र मांढरे यांनी त्याला समजवण्याचा प्रयत्न केला. परंतु मित्तल यांनी काही ऐकलं नाही. मांढरे यांच्या अंगावर धावून येऊ लागले. मांढरे यांनी मित्तल यांना अडवण्याचा प्रयत्न केला. मात्र त्यावर त्या IAS अधिकारी (अमन मित्तल) आणि त्याचा भाऊ (देवेश, मित्तल) यांनी घराचा दरवाजा बंद करून मांढरे याला मारहाण करण्यास सुरुवात केली. खाली तैनात असणाऱ्या शिपाई कामगारांना यांना देखील कॉल करून बोलावून घेतले. ते ४ जण लोखंडी पाईप, PVC पाईप आणि लाकडी दंडुके घेऊन वर आले. काहीही विचार न करता त्या ४ जणांनी देखील मांढरे यांना मारहाण करण्यास सुरुवात केली.

त्यानंतर त्यानेच पोलिसांना फोन करून बोलावून घेतले. मांढरे यांना पोलीस तेथून घेऊन जात असताना त्यातील एकाने पुन्हा दोन वेळा मांढरे यांच्या कानशिलात लगावली. रबाळे पोलीस स्टेशनला घेऊन त्या अमन मित्तलच्याच गाडीतून घेऊन गेले. मांढरे यांच्या अंगावरील घाव बघितल्यावर पोलीस ऐरोली येथे NMMC हॉस्पिटल मध्ये घेऊन गेले. नंतर पोलीस स्टेशनला आल्यावर प्रथम मांढरे यांच्यावर FIR दाखल केली. मात्र मांढरे यांची तक्रार पोलीस घेत नव्हते. यावेळी अनेक सहकारी आणि मित्र रबाळे पोलीस चौकीबाहेर उभे होते. अनेक जणांना संपर्क केल्यावर सकाळी ३ वाजता त्यांनी मांढरे यांची तक्रार नोंदवली.

पोलिसावर सुध्दा मित्तल यांनी वरून दबाव आणल्याचे मांढरे यांना जाणवले. या घटनेला आठवडा झाला तरी देखील गुन्हेगारांवर अजून कोणतीही कारवाई झाली नाही. आरोपी अमन मित्तल IAS आणि त्याचा भाऊ देवेश मित्तल यांच्यावर कारवाई झाली पाहिजे, अशी पोस्ट देखील मांढरे यांनी फेसबुकवर केली आहे. दरम्यान, या प्रकरणी संबंधित अधिकाऱ्यांची बाजू अद्याप समोर आलेली नाही. त्यांची बाजू समोर आल्यानंतर या घटनेबद्दल अधिक माहिती मिळू शकेल.