या अपघातात मयत झालेले विद्यार्थिनी दुर्गा पाटील हे गोराडखेडा गावात राहते. ती पाचोरा येथील हायस्कूल मध्ये दहावीला शिक्षण घेत होती. नेहमीप्रमाणे दुर्गा ही सायकलवरून हायस्कूलमध्ये गेली होती. सायंकाळी हायस्कूल सुटल्यानंतर सायकलवरून घराकडे परतत होते. नेमकं गावाच्या बस स्थानकावर पोहोचले असता , तिच्यावर भीषण अपघाताच्या रूपाने काळाने झडप घातली. भरधाव कारने चिरडल्याने तिचा जागीच मृत्यू झाला. तर मयत सुभाष पाटील हे सुद्धा गोराडखेडा गावातच राहतात. ते शेतकरी होते नेहमीप्रमाणे सायंकाळची वेळ असल्याने फेरफटका मारण्यासाठी गावाच्या बस स्टॉप वर आले होतें. या ठिकाणी एका रस्त्याच्या कडेला बसलेल्या असताना भरधाव फरफटत घेऊन गेली.

तर दुसरी एक विद्यार्थिनी ही सुद्धा घराकडे परतत होती. तर तिच्याच पाठव तिचे वडील सुद्धा दुचाकीवरून गावात प्रवेश करत होते. याच दरम्यान दोघांनाही भरधाव कारने धडक दिली. यात विद्यार्थिनी किरकोळ जखमी असून त्याचे वडील गंभीर जखमी असल्याने त्यांना उपचारासाठी जळगावला हलविण्यात आले आहे. मद्याच्या नशेत कार चालवणाऱ्या तरुणांवर कठोर कारवाई करण्याची मागणी ग्रामस्थांमधून केली जात आहे. दरम्यान आक्रमक झालेल्या ग्रामस्थांमुळे गोराडखेडा गावात तणावाचे वातावरण पसरले आहे. अनुचित घटना घडू नये म्हणून या गावावरून जाणारी वाहतूक काही काळासाठी बंद करण्यात आल्याचे माहिती मिळाली आहे.