मुंबईतील सॉफ्टवेअर इंजिनीअर तरुणींनी तयार केला एसी लोकलचा बनावट पास, टीसीने पकडताच उडवाउडवीची उत्तरं
कोरेगाव पार्क ते कॅम्प परिसराला जोडणाऱ्या या रस्त्यावर ‘रेल्वे ट्रॅक’ आहेत. त्यावरून वाहतूक सुरू ठेवण्यासाठी साधू वासवानी पुलाची निर्मिती केली होती. या पुलाचे आयुर्मान ५० वर्षांपेक्षा अधिक झाले आहे. तो नेमका कधी आणि कोणी बांधला, याची कोणतीही अधिकृत माहिती महापालिकेच्या दफ्तरी नाही. तो धोकादायक झाल्याने गेल्या वर्षभरापासून त्यावरील जड वाहतूक बंद केली आहे. या ठिकाणी चारपदरी पूल बांधण्यात येणार असून, त्यासाठी ८३ कोटी रुपये खर्च अपेक्षित आहे. या पुलाच्या कामासाठी निविदा प्रक्रियाही राबवली आहे. त्यानुसार पुलाचे काम सुरू करण्याच्या हालचाली महापालिका प्रशासनाने सुरू केली आहे. वाहतूक पोलिसांकडून पर्यायी रस्त्यांची तपासणी करण्यात आली आहे. या पर्यायी रस्त्यांवरील अपूर्ण कामे पूर्ण करण्यात आली आहेत. या ठिकाणच्या पर्यायी रस्त्यांची माहिती नागरिकांसाठी येत्या दोन दिवसांत जाहीर करण्यात येईल, अशी माहिती वाहतूक पोलिसांकडून देण्यात आली आहे.

वाहतुकीची होणार चाचपणी

महापालिकेकडून साधू वासवानी पूल पाडण्यासंदर्भात कार्यवाही सुरू असताना पुणे महानगर परिवहन नियोजन समितीच्या (पुम्टा) बैठकीत या पुलाबाबत चर्चा झाली. त्यात या पुलाची लांबी वाढविणे शक्य आहे का, याबाबत चर्चा झाली. नवीन सर्किट हाउसच्या प्रवेशद्वारासमोर होणारी कोंडी फोडण्यासाठी या पुलाची लांबी वाढली, तर मदत होईल. त्यासाठी पर्णकुटी चौकाकडे ये-जा करणारी वाहतूक शांग्रिला गार्डन चौकातून उड्डाणपुलामार्गे थेट एम्प्रेस गार्डनपर्यंत नेणे, यासाठी चाचपणी करण्याचे या बैठकीत ठरले. महापालिका प्रशासनाकडून त्याबाबतची तांत्रिक तपासणी करण्यात येत आहे. यावर अद्याप निर्णय झाला नसला, तरी पुलाचे काम सुरू केले जाणार आहे.

प्रस्तावित पूल

६४० मीटर

एकूण लांबी

१७.१५० मीटर

एकूण रुंदी

६.९० मीटर

पुलाची उंची

कर्मचार्‍यांच्या उच्च पेन्शनवर नवीन अपडेट; EPFO ने दिला दिलासा, या कामासाठी अंतिम मुदत वाढवली