प्रतिसादही कमी

एकूण ९४ लाखांहून अधिक पात्र लाभार्थ्यांपैकी केवळ १५ ते १६ टक्के जणांनीच बूस्टर मात्रा घेतली आहे. करोना संसर्ग वा त्या स्वरूपाचा ताप वाढला की, बूस्टर मात्रा घेण्यासह लसीकरणासाठी प्रतिसाद वाढतो. अनेक जण वातावरणबदलामध्ये ताप वा इतर आजारांचा प्रादुर्भाव होऊ नये, यासाठी एन्फ्लूएन्झाची लस घेतात. त्यामुळे ऋतूबदलामुळे होणाऱ्या इतर आजारांचा प्रादुर्भाव रोखता येतो.

करोनाचे रुग्ण वाढले, राज्यात टास्क फोर्सची स्थापना; डॉ. रमण गंगाखेडकर अध्यक्षपदी

इन्कोव्हॅकची बूस्टर मात्रा

कोविशिल्ड किंवा कोवॅक्सिन व्यतिरिक्त इतर कोणत्याही मात्रेसाठी प्रिकॉशन मात्रा म्हणून इन्कोव्हॅक लशीची मात्रा देता येणार नाही. ही लस तात्काळ नोंदणी केल्यावर उपलब्ध होईल, अशी माहिती पालिकेच्या आरोग्य विभागाने दिली. राज्य सरकारच्या मार्गदर्शक सूचनांनुसार, पालिकेकडून १ नोव्हेंबरपासून इन्कोव्हॅक लशीची बूस्टर मात्रा देण्यात येत आहे. कोवीशिल्ड वा कोवॅक्सिनची दुसरी मात्रा घेतल्यानंतर सहा महिन्यांनी इन्कोव्हॅकची बूस्टर मात्रा घेता येणार आहे.

आज करोनामुळे दोघांचा मृत्यू

राज्यात आज करोनामुळे दोन जणांचा मृत्यू झाला आहे. १ जानेवारी २०२३पासून आजपर्यंत १३६ करोनारुग्णांचा मृत्यू झाला असून त्यापैकी ७१.३२ टक्के रुग्ण साठ वर्षांवरील आहेत, तर ८४ टक्के सहव्याधीग्रस्त, तर १६ टक्के सहव्याधीग्रस्त नसलेले रुग्ण आहेत.

मुंबईमध्ये आणखी १९ रुग्ण

मुंबईमध्ये बुधवारी एकूण १९ रुग्णांची नोंद झाली असून आतापर्यंत शहरात उपचाराधीन रुग्णसंख्या १३६ नोंदवण्यात आली आहे. चार रुग्ण आजारातून बरे होऊन घरी गेले आहेत. मुंबईमध्ये बुधवारी ३३१ चाचण्या करण्यात आल्या. यापैकी ५१ टक्के रुग्णांना कोणतीही लक्षणे नव्हती. त्यामुळे त्यांना सौम्य उपचार करावे लागले.

राज्याची स्थिती (२६ डिसेंबर)

उपचाराधीन रुग्ण १९४

गृहविलगीकरणात असलेले रुग्ण ३२

रुग्णालयात दाखल असलेले रुग्ण ३२

आयसीयूमध्ये नसलेले रुग्ण २५

आयसीयूमध्ये असलेले रुग्ण ७

अशी वाढली रुग्णसंख्या

३० नोव्हेंबर ते ६ डिसेंबर १४

७ डिसेंबर ते १३ डिसेंबर २१

१४ डिसेंबर ते २० डिसेंबर ४६

२१ डिसेंबर ते २७ डिसेंबर २६७