अशी आहे सद्यस्थिती

महापालिकेच्या सहा विभागांमध्ये लोकसंख्येच्या प्रमाणात आरोग्यवर्धिनी केंद्र निश्चित करण्यात आले आहेत. सिडको विभागात २२, पंचवटी विभागात २०, नाशिकरोड विभागात १८, सातपूर विभागात १६, पश्चिम विभागात १४, पूर्व विभागात १६ आरोग्यवर्धिनी केंद्रांची निर्मिती केली जाणार आहे. सद्यस्थितीत १०६ पैकी एक आरोग्य उपकेंद्र तयार असून, उर्वरित १०५ पैकी ९२ उपकेंद्रांचे अंदाजपत्रक तयार करण्यात आले. ९२ जागा निश्चित करण्यात आल्या असून, पैकी ३९ उपकेंद्रांची निविदा प्रक्रिया राबविण्यात आली आहे. २७ एमबीबीएस डॉक्टरची निवड झाली असून, केंद्र तयार नसल्याने त्यांना नियुक्ती देता येत नसल्याचे चित्र आहे.
करोना इज बॅक! सिंगापूरमध्ये पुन्हा कोव्हिडची एन्ट्री, रुग्णसंख्या ५६ हजारांवर, मास्कसह कडक नियम लागू
आरोग्य मंत्र्यांची निराशा

केंद्रीय आरोग्य राज्यमंत्री डॉ. भारती पवार यांचा हा ड्रिम प्रोजेक्ट आहे. पंधराव्या वित्त आयोगाच्या निधीतून राज्यातील महापालिकांना आरोग्यवर्धिनी केंद्रांची निर्मिती होणार आहे. राज्यात सर्वाधिक ६५.५० कोटींचा निधी महापालिकेला मिळणार आहे. त्यात बांधकाम विषयक तसेच आरोग्य केंद्रे दुरुस्तीसाठी २८.५० कोटी रुपये खर्च केले जाणार आहेत. दोन वर्षे उलटली तरी अद्यापही आरोग्यवर्धिनी केंद्रांचे काम सुरू न झाल्याने निधी परत जाण्याची शक्यता आहे.