नागपूर : हिवाळी अधिवेशनाच्या तिसऱ्या आठवड्याच्या पहिल्या दिवशी अंडरवर्ल्ड डॉन दाऊद इब्राहिमचा हस्तक सलीम कुत्ता याच्याशी असलेले राजकारण्यांच्या संबंधावरून राज्याचे राजकारण पुन्हा एकदा तापल्याचे बघायला मिळाले. विरोधकांनी यावरून मंत्री गिरीश महाजन यांना लक्ष्य केले. तर महाजनांच्या बचावाला खुद्द गृहमंत्री देवेंद्र फडणवीस येत या प्रकरणात आधीच चौकशी झाली असून यात महाजनांना आधीच क्लिनचिट देण्यात आली आहे. याऊलट मंत्र्यांवर अशा प्रकारचे आरोप करणाऱ्या विरोधकांनी माफी मागावी असा पलटवार केला. फडणवीसांच्या निवेदनानंतर विरोधी पक्षनेत्यांना बोलू न दिल्याने विरोधकांनी दिवसभराच्या कामकाजावर बहिष्कार टाकला.
राष्ट्रवादी काँग्रेसचे ज्येष्ठ नेते एकनाथ खडसे यांनी गिरीश महाजन यांचे सलीम कुत्तासमोबत संबंध असून एका लग्नातील त्यांचे फोटो आपल्याकडे असल्याचा आरोप केला. या आरोपानंतर सभागृहातील वातावरण अचानक तापले. नाशिकमधील एका लग्नसमारंभात महाजन हे कुत्तासोबत उभे होते. त्यांचे त्याच्याशी संबंध आहेत, असा आरोप करत खडसे यांनी त्या समारंभातील फोटो सभागृहात दाखवला.
राष्ट्रवादी काँग्रेसचे ज्येष्ठ नेते एकनाथ खडसे यांनी गिरीश महाजन यांचे सलीम कुत्तासमोबत संबंध असून एका लग्नातील त्यांचे फोटो आपल्याकडे असल्याचा आरोप केला. या आरोपानंतर सभागृहातील वातावरण अचानक तापले. नाशिकमधील एका लग्नसमारंभात महाजन हे कुत्तासोबत उभे होते. त्यांचे त्याच्याशी संबंध आहेत, असा आरोप करत खडसे यांनी त्या समारंभातील फोटो सभागृहात दाखवला.
सत्ताधारी बडगुजर यांच्यावर आरोप करतात त्यावेळी तात्काळ एसआयटीची घोषणा होते. मात्र आम्ही आरोप करतो तेव्हा सत्ताधारी चिडतात. महाजन यांचीही एसआयटीच्या माध्यमातून चौकशी झाली पाहिजे अशी मागणी खडसे यांनी केली. या आरोपांवर प्रवीण दरेकर व शभुंराज देसाई यांनी आक्षेप घेतला.
कुठलीही नोटीस न पाठवता मंत्र्यांचे नाव घेत आरोप कसे झाले अशा प्रश्न उपस्थित केला. यावर अनिल परब, विरोधी पक्षनेते अंबादास दानवे यांनीही आक्रमक भूमिका घेतली. खडसे यांनी यासंबंधी मांडलेला स्थगन प्रस्ताव उपसभापतींनी नाकारला. मात्र, विरोधांकडून उपसभापतींसमोर मोकळ्या जागेत येऊन गोंधळ घालणे सुरू केल्याने कामकाज दहा मिनिटांसाठी तहकूब करावे लागले.
ठाकरे गटाचे नेते सुधाकर बडगुजर यांच्या अडचणीत वाढ, नाशिकच्या सरकारवाडा पोलीस ठाण्यात गुन्हा दाखल, कारण…
सभागृहाच्या कामकाजाला सुरुवात झाल्यावर फडणवीस यासंदर्भात निवेदन देण्यात आले. यावेळी फडणवीसांना गिरीश महाजन ज्या लग्नाला उपस्थित होते ते नाशिकचे मोठे धर्मगुरू शहर-ए-खातिब यांच्या नातवाचे लग्न होते. या कुटुंबियांचे दूरदूर पर्यंत दाऊदशी संबंध नाहीत. विशेष म्हणजे २०१७-१८ मध्ये मी गृहमंत्री असताना या प्रकरणाच्या चौकशीसाठी समिती नेमण्यात आली होती. या समितीनेही अहवालात दाऊदशी कुठलाही संबंध नसल्याचे सांगितले होते. कदाचित माजी मुख्यमंत्री उद्धव ठाकरे आज सभागृहात आल्याने विरोधी सदस्यांना हा विषय उपस्थित करावा वाटला असेल. मंत्र्यांवर आरोप करण्यापूर्वी पूर्ण खातरजमा करणे अत्यंत आवश्यक आहे. बडगुजर सलीम कुत्ता सोबत नाचले त्यावेळी अशी तत्परता दाखवायला हवी होती. त्यामुळे विरोधकांनी याप्रकाराबाबत माफी मागावी असे फडणवीस म्हणाले.
निवेदनावर दानवे यांनी बोलण्याचा प्रयत्न केला. मात्र, उपसभापतींनी इतर कामकाज सुरू केल्याने बोलू देण्यात येत नसल्याचा आरोप करत विरोधकांनी दिवसभराच्या कामकाजावर बहिष्कार टाकला.