आज झालेल्या कारवाई संदर्भात देण्यात आलेल्या माहितीनुसार, आयएसआयएसवर पहाटेच्या कारवाईत राष्ट्रीय तपास संस्थेने (एनआयए) सोमवारी चार राज्यांमधील १९ ठिकाणी छापे टाकले. बंदी घातलेल्या दहशतवादी संघटनेच्या बल्लारी मॉड्यूलच्या ८ कार्यकर्त्यांना अटक केली. ज्यात त्याचा नेता मिनाझचा समावेश आहे. अशा प्रकारे आरोपींचे योजना निष्फळ ठरविल्या. दहशतवादी कृत्ये, विशेषतः IED स्फोट एनआयएच्या पथकांनी कर्नाटकातील बल्लारी आणि बेंगळुरू, महाराष्ट्रातील अमरावती, मुंबई आणि पुणे येथे पसरलेल्या १९ ठिकाणी धाड टाकल्या आहेत.
झारखंडमधील जमशेदपूर आणि बोकारो; आणि दिल्ली छाप्यांदरम्यान अटक करण्यात आलेले आठ ISIS एजंट दहशतवाद आणि दहशतवादाशी संबंधित कृत्ये आणि प्रतिबंधित संघटना ISIS च्या क्रियाकलापांना सक्रियपणे प्रोत्साहन देण्यात गुंतले होते. ते मिनाझ नामक व्यक्तीच्या यांच्या नेतृत्वाखाली कार्यरत होते. छाप्यांमध्ये सल्फर, पोटॅशियम नायट्रेट, चारकोल, गनपावडर, साखर आणि इथेनॉल यांसारखा स्फोटक कच्चा माल, धारदार शस्त्रे, बेहिशेबी रोकड आणि गुन्हेगारी कागदपत्रे, स्मार्टफोन आणि इतर डिजिटल उपकरणे जप्त करण्यात आली आहेत.
प्राथमिक तपासानुसार, आरोपींनी स्फोटक कच्चा माल आयईडी तयार करण्यासाठी वापरण्याची योजना आखली होती. ज्याचा वापर दहशतवादी कृत्ये करण्यासाठी केला जाणार होता. हिंसक जिहाद, खिलाफत, ISIS इत्यादी मार्गाचा अवलंब करून आरोपी एनक्रिप्टेड अॅप्सद्वारे सतत एकमेकांच्या संपर्कात होते, असे तपासात पुढे आले आहे. ते विशेषत: भरतीच्या उद्देशाने महाविद्यालयीन विद्यार्थ्यांना लक्ष्य करत होते. जिहादच्या उद्देशाने मुजाहिदीनच्या भरतीशी संबंधित कागदपत्रे देखील प्रसारित करत असल्याची माहिती एन आय ए ने दिली आहे. इस्लामिक स्टेट ऑफ इराक अँड सीरिया (ISIS) च्या भारताविरुद्धच्या दहशतवादविरोधी कटाचा नाश करण्याच्या NIA च्या प्रयत्नांचा एक भाग म्हणून आज छापे टाकण्यात आलेले होते.
कर्नाटक पोलीस, महाराष्ट्र पोलीस, झारखंड पोलीस आणि दिल्ली पोलीस यांच्या निकट समन्वयातून आणि ऑपरेशनल सहाय्याने शोध घेण्यात आला. NIA ने १४ डिसेंबर २३ रोजी ISIS प्रेरित बल्लारी मॉड्युल विरुद्ध गुन्हा दाखल केला होता. तेव्हापासून ते या मॉड्यूलच्या सदस्यांचा मागोवा घेण्यासाठी आणि त्यांना पकडण्यासाठी राज्य पोलीस आणि केंद्रीय एजन्सीसोबत काम करत आहे. दहशतवादविरोधी एजन्सी मोठ्या प्रमाणावर कारवाई करत आहे.सअलीकडच्या काही महिन्यांत त्यांनी विविध ISIS मॉड्यूल्सचा भंडाफोड केला आहे. एनआयएने या छाप्यांमध्ये अनेक दहशतवाद्यांना अटक केली आहे.
आज मिनाज मो. सुलेमान आणि सय्यद समीर यांना बल्लारी येथून, अनस इकबाल शेख यांना मुंबई, मोहम्मद मुनिरुद्दीन, सय्यद समीउल्ला सामी, बेंगळुरूचे मोहम्मद मुझम्मिल, दिल्लीचे शायन रहमान हुसेन आणि मो. शाहबाज जमशेदपूरचा झुल्फिकार गुड्डू या संशयतांना ताब्यात घेण्यात आल्याची माहिती समोर आली आहे. एकूणच हे सर्व आरोपी अत्याधुनिक इन्क्रिप्टेडच्या माध्यमातून सतत एकमेकांच्या संपर्कात होते. याचा संशय नॅशनल इन्वेस्टीगेशन एजन्सीला आल्यानंतर त्यांनी ही कारवाई केली आहे.