रायगड : कोकणात रायगड जिल्ह्यात पुन्हा एकदा मोठी घडामोडी घडणार असून शरद पवार यांच्या राष्ट्रवादी बरोबर असलेले माजी आमदार सुरेश लाड यांचा लवकरच भाजपमध्ये प्रवेश होण्याची शक्यता आहे. नागपूर येथे चालू असलेल्या हिवाळी अधिवेशन दरम्यानच हा प्रवेश होणार आहे. याच प्रवेशासाठी गेले दोन दिवस माजी आमदार सुरेश लाड हे नागपूर येथे दाखल झाले आहेत. त्यामुळे आता यावेळी निश्चित झालेला भाजप पक्ष प्रवेशाचा मुहूर्त चुकणार नसल्याचा त्यांच्या निकटवर्तीयांचा अंदाज आहे. मागे दोन ते तीन वेळा रखडलेला प्रवेश आता नागपूर येथे होणार असल्याचे सुरेश लाड यांच्याकडून सांगण्यात आलं आहे.
उपमुख्यमंत्री देवेंद्र फडणवीस आणि भाजपचे प्रदेशाध्यक्ष चंद्रशेखर बावनकुळे यांच्या उपस्थितीत शनिवारी हा प्रवेश होणार असल्याची माहिती सुरेश लाड यांनी महाराष्ट्र टाइम्स ऑनलाइनला दिली आहे. कर्जतचे माजी आमदार सुरेश लाड हे एकेकाळी अजित पवार गटाच्या राष्ट्रवादीचे प्रदेशाध्यक्ष असलेले खासदार सुनील तटकरे यांचे अत्यंत निकटवर्तीयांपैकी एक होते. मात्र अलीकडे त्यांच्यातील हा स्नेह कमी झाला होता. राष्ट्रवादीचे माजी आमदार सुरेश लाड यांनी अनेकदा जाहीर नाराजीही व्यक्त केली होती. मात्र काही महिन्यांपूर्वी पूर्वी झालेल्या राजकीय भूकंपानंतर सुरेश लाड हे तटकरे यांच्या बरोबर न राहता शरद पवार यांच्या राष्ट्रवादी बरोबर राहिले आहेत.मात्र आता त्यांनी थेट भाजपमध्ये प्रवेश करण्याचा निर्णय घेतला आहे. त्यामुळे कर्जत येथे शरद पवार यांच्या राष्ट्रवादीला मोठे खिंडार पडणार आहे.
उपमुख्यमंत्री देवेंद्र फडणवीस आणि भाजपचे प्रदेशाध्यक्ष चंद्रशेखर बावनकुळे यांच्या उपस्थितीत शनिवारी हा प्रवेश होणार असल्याची माहिती सुरेश लाड यांनी महाराष्ट्र टाइम्स ऑनलाइनला दिली आहे. कर्जतचे माजी आमदार सुरेश लाड हे एकेकाळी अजित पवार गटाच्या राष्ट्रवादीचे प्रदेशाध्यक्ष असलेले खासदार सुनील तटकरे यांचे अत्यंत निकटवर्तीयांपैकी एक होते. मात्र अलीकडे त्यांच्यातील हा स्नेह कमी झाला होता. राष्ट्रवादीचे माजी आमदार सुरेश लाड यांनी अनेकदा जाहीर नाराजीही व्यक्त केली होती. मात्र काही महिन्यांपूर्वी पूर्वी झालेल्या राजकीय भूकंपानंतर सुरेश लाड हे तटकरे यांच्या बरोबर न राहता शरद पवार यांच्या राष्ट्रवादी बरोबर राहिले आहेत.मात्र आता त्यांनी थेट भाजपमध्ये प्रवेश करण्याचा निर्णय घेतला आहे. त्यामुळे कर्जत येथे शरद पवार यांच्या राष्ट्रवादीला मोठे खिंडार पडणार आहे.
आगामी लोकसभा निवडणुकीची तयारी भाजपाने काही महिन्यांपूर्वी सुरू केली आहे. रायगड जिल्ह्यावर भाजपाने विशेष लक्ष केंद्रित केल आहे. अजित पवार राष्ट्रवादी सरकारमध्ये सहभागी होण्याअगोदरच भाजपाने तटकरे यांच्या निकटवर्तीयांना भाजपमध्ये प्रवेश देऊन तटकरे यांना शह देण्यास सुरुवात केली होती. तटकरे यांचे निकटवर्तीय राष्ट्रवादीचे माजी जिल्हाध्यक्ष वसंत ओसवाल यांच्या कन्या असलेल्या पालीच्या नगराध्यक्ष गीता पालरेच्या यांनी यापूर्वीच भाजपमध्ये प्रवेश केला आहे. शेकापचे नेते धैर्यशील पाटील यांनाही यापूर्वीच भाजपमध्ये प्रवेश केला आहे.
घर सोडण्याची वेळ आलीय! लोकसभेत घुसणाऱ्या तरुणाची सीक्रेट डायरी पोलिसांच्या हाती
भाजपचे नेते उपमुख्यमंत्री देवेंद्र फडणवीस यांच्या उपस्थितीत उद्या भाजपमध्ये जाहीर प्रवेश होणार असल्याची माहिती सुरेश लाड यांनी दिली. त्यामुळे आता भाजपने शरद पवार गटाला धक्का देण्याची रणनीती आखतानाच सुरेश लाड यांच्या प्रवेशाच्या निमित्तानं रत्नागिरी रायगड लोकसभेचे विद्यमान खासदार सुनील तटकरे यांनाही हा सूचक इशारा दिल्याचं मानलं जात आहे.
दंगलखोरांना रोखण्यात पोलीस कमी पडले, गृहमंत्री फडणवीस यांची विधानसभेत कबुली
सुरेश भाऊ लाड यांच्याशी महाराष्ट्र टाइम्स ऑनलाइनच्या प्रतिनिधीनं संपर्क साधला असता त्यांनी सांगितले की, आपला उद्या प्रवेश निश्चित असून नागपूर येथे उपमुख्यमंत्री देवेंद्र फडणवीस यांच्या उपस्थितीत आपण भाजपमध्ये प्रवेश करणार आहोत. यावेळी आपल्याबरोबर आपले कार्यकर्ते व पदाधिकारी असणार आहेत असे त्यांनी यावेळी सांगितलं.
Read Latest Maharashtra News And Marathi News