वेध लोकसभा निवडणुकीचा : तीन राज्यांच्या विजयाने मनोबल उंचावले तरी भाजपसाठी सोपी नसेल पुणे लोकसभा!
आणि समीकरण बदलले…

मधल्या काळात विधान परिषदेचे भाजपचे आमदार प्रा. राम शिंदे यांनी यांनीही या उमेदवारीवर दावा करण्यास सुरूवात केली. शिंदे हे उपमुख्यमंत्री देवेंद्र फडणवीस यांचे निकटवर्तीय मानले जातात. त्यामुळे त्यांचा उमदेवारीवरील दावाही गांभीर्याने घेतला जातो. त्यामुळे आमदार लंके यांच्या विरोधात भाजपकडून शिंदे की विखे? अशी चर्चा सुरू झाली. हे होत असतानाच राज्यातील समीकरणे बदलली.

राष्ट्रवादीत फूट पडून उपमुख्यमंत्री अजित पवार यांचा गट सत्तेत सहभागी झाला. लोकसभेला इच्छुक असलेले आमदार लंके अजित पवार यांच्या गटात म्हणजेच भाजप सोबत गेले. आता ही जागा नेमकी कोणाच्या वाट्याला येणार? त्यावर लंके यांच्या उमेदवारीचे गणित अवलंबून झाले. अर्थात अजित पवार यांनी प्राथमिक स्वरूपात ज्या जागांवर दावा केला आहे, त्यात अहमदनगरचा समावेश नाही. त्यामुळे ही जागा भाजपकडे राहणार असे मानले जात आहे.

असे असले तरी प्रा. शिंदे यांनी आपला दावा सोडलेला नाही. संधी मिळेल त्यावेळी ते आपण या जागेवर इच्छुक असल्याचे ठणकावून सांगतात. तर सुरूवातीला यावर थेट भाष्य टाळणारे विखे पाटीलही आता आपला दावा अधोरेखित करून लागले आहेत. पक्षाचे राज्यातील जे ‘मिशन ४५ प्लस’ आहे, त्यात आपण असणार आहोत, असे सांगून त्यांनी येथून आपल्यालाच पुन्हा उमेदवारी मिळणार असल्याचे स्पष्ट संकेत दिले आहेत. एकूणच सध्या तरी विखे पाटील, शिंदे आणि लंके या तिन्ही सत्ताधारी गटाच्याच नेत्यांमध्ये उमेदवारीसाठी चुरस असल्याचे दिसून येते. त्यातच लंके आणि विखे पाटील यांच्यात टोकाचे राजकीय वैर निर्माण झाले आहे. तीच परिस्थिती शिंदे आणि विखे पाटील यांची आहे. तर दुसरीकडे लंके आणि शिंदे एकत्र आल्याचे दिसून येत आहे. यावर पक्षाच्या वरिष्ठ नेत्यांनी मात्र अद्यापही काहीही भाष्य केलेले नाही.

वेध लोकसभा निवडणुकीचा : कल्याण सर्वाधिक चर्चेत, २०२४ च्या निवडणुकीत काय होणार?
विरोधी गटात शांतता

महाविकास आघाडीचेही जागा वाटप ठरलेले नसले तरी पूर्वीप्रमाणे हा मतदारसंघ राष्ट्रवादीकडे (पवार गट) जाणार असे मानले तरी त्यांच्याकडून अद्याप उमेदवार निश्चित झालेला नाही. गेल्या महिन्यात जी चाचपणी झाली, त्यात आमदार रोहित पवार यांच्यासह काही नावांवर चर्चा झाली. मात्र, अंतिम निर्णय अद्याप झालेला नाही.

याच बैठकीत लंके यांच्या नाववरही चर्चा झाली, हेही विशेष. लंके यांच्याच एका समर्थकाने हा मुद्दा उपस्थित केला होता. जर अजित पवार गटात राहून उमेदवारी मिळणार नसेल तर शरद पवार यांच्यासोबत येऊन विखे पाटील यांच्या विरोधात निवडणूक लढण्याचा लंके यांचा मानस असल्याचे सांगण्यात येते. यासाठी राष्ट्रवादीचे प्रदेशाध्यक्ष जयंत पाटील यांनी लंके यांना स्वत: भूमिका स्पष्ट करण्यासाठी मुदत देऊ केली होती. मात्र, त्याचेही पुढे काहीच झाले नाही. त्यामुळे सध्या काँग्रेस किंवा राष्ट्रवादीचाही उमेदवार नक्की नाही.

शिवसेना उद्धव ठाकरे गटाने यासाठी चाचपणी करताना नेवाशाचे आमदार शंकरराव गडाख यांचे नाव पुढे आणले होते. विखे-गडाख अशी रंगतदार लढत असा या मागील उद्देश असावा. त्यातही पुढे काहीच झाले नाही. काँग्रेसकडून ज्येष्ठ नेते बाळासाहेब थोरात यांचे नावही एकदा पुढे आणले गेले होते. त्यानंतर मात्र, एकूणच विरोधी गोटात शांतता तर सत्ताधाऱ्यांमध्येच उमेदवारीसाठी चुरस, अशीच या मतदारसंघाची स्थिती आहे. शिवसेनेच्या शिंदे गटाकडून मात्र यासाठी अद्याप काहीही हालचाली नाहीत. इतर पक्षांचेही या मतदारसंघात प्राबल्य नाही.

अहमदनगर लोकसभा मतदार संघातील विधानसभा निहाय चित्र….

• नगर शहर : आमदार संग्राम जगताप (राष्ट्रवादी, अजितदादा गट)
• पारनेर : आमदार नीलेश लंके (राष्ट्रवादी, अजितदादा गट)
• श्रीगोंदा : बबनराव पाचपुते (भाजप)
• कर्जत-जामखेड : आमदार रोहित पवार (शरद पवार गट)
• पाथर्डी- शेवगाव : मोनिका राजळे (भाजप)
• राहुरी : प्राजक्त तनपुरे (राष्ट्रवादी, शरद पवार गट)

कोण असू शकतात अहमदनगर लोकसभेसाठी उमेदवार

महायुती : खासदार डॉ. सुजय विखे पाटील, शालिनी राधाकृष्ण विखे पाटील (महिला उमेदवार देण्याचा निर्णय झाल्यास)
महाविकास आघाडी : आमदार नीलेश लंके (पुन्हा गट बदलल्यास), शंकरराव गडाख (ठाकरे गटाला जागा मिळाल्यास)

अर्थात भाजपकडून कोणाला उमेदवारी मिळणार यावर आणि महाविकास आघाडीतील जागा वाटपावर ऐनवेळी वेगळे चित्र असू शकते.