त्यानंतर १५ महिन्यात झाडांना फळ यायला लागले. चक्क २० महिन्यात त्याची तोडणी करायला आली. एका झाडाला तब्बल २० किलोपर्यंत माल निघतो, असं त्यांनी सांगितलं. मगर यांनी मार्केटचा अंदाज घेत कोचीन या ठिकाणी आपल्या पेरूची विक्री केली. एका किलोला त्यांना ८५ रुपये हायेस्ट दर मिळाला. तर ३५ टन एवढे उत्पादन त्यांना तीन एकर मधून पेरुचे मिळाले. व्ही. एन. आर. जातीचा एक पेरू तब्बल ८०० ग्रॅम वजनाचा भरतो. खायला चवदार असून आतमध्ये बियांचे प्रमाण कमी आहे.

लागवडीपासून अजिंक्य मगर यांचा जवळपास १२ लाखांच्या घरात खर्च झाला असून यातून त्यांना तब्बल २५ लाखांचे उत्पन्न मिळाले आहे. त्यामुळे मगर असे सांगतात की इतर शेती करण्यापेक्षा पेरूची बाग नक्कीच फायदेशीर ठरली आहे. कारण त्याला लागवडीनंतर इतर छाटणी व्यतिरिक्त कुठलाही खर्च करण्याची गरज नाही. त्यामुळे ते तरुणांना असे बेरोजगार म्हणून न राहता शेतीकडे नक्कीच व्यवसाय आणि नवनवीन प्रयोग करा, असे ते सांगतात.