इंदापूरच्या घटनेबद्दल बोलताना पडळकर म्हणाले की, इंदापूर येथील ही सर्व नौटंकी आहे. या भेकडांनी परत नौटंकीबाज करत मिडीयात मुलाखती दिल्या. मुळात आम्ही नेहमीच आमची भूमिका स्पष्ट केली आहे की गरीब मराठा समाजला आरक्षण मिळालेच पाहिजे. पण मराठा आरक्षणाच्या लढाईत घुसलेल्या समाजकंटक कधी कोणाची घरं जाळतात तर कधी कुणाला फोन करून शिव्या देतात. यावरून हेच स्पष्ट होते की समाजकंटकांचा हेतू आरक्षण मिळवणे नसून समाजात अशांतता पसरवणे हा असल्याची टीका त्यांनी यावेळी केली. तर इंदापूर येथे मी समजूतदारपणे संयमाची भूमिका घेतली नसती तर या भेकडांच्या अंगावर कपडेही शिल्लक राहिले नसते, असा इशाराही त्यांनी यावेळी दिला. दरम्यान, डॉ. बाबासाहेब आंबेडकरांनी धनगर आरक्षण दिले आहे. त्याच्या अंमलबजावणीसाठी येत्या ११ तारखेला आपल्याला नागपूर येथे सुरू असलेल्या हिवाळी अधिवेशनावर इशारा मोर्चा काढणार असल्याचे त्यांनी यावेळी स्पष्ट केले.