सोलापूर: उद्धव ठाकरे गटाचे नेते आणि शिवसेना खासदार संजय राऊत यांच्या वाहनासमोर चपला पडल्याने खळबळ उडाली आहे. सोलापूर शहरानजीक असलेल्या बाळे परिसरातील एका शिवसैनिकाच्या हॉटेल उद्घाटनासाठी खा. संजय राऊत रविवारी सायंकाळी गेले होते. भाषण करून संजय राऊत यांचा ताफा सोलापूर शहराकडे जात असताना त्यांच्या वाहनासमोर चपला फेकण्यात आल्या. उपस्थित शिवसैनिकांनी चपला पाहून ताबडतोब शिवराळ भाषेत आरडाओरडा केली. मात्र चपला कोण फेकल्या याचा तपास सुरू आहे. उपस्थित शिवसैनिकांनी ताबडतोब चपला बाजूला केल्या. सोलापूर पोलिसांची टीम घटनास्थळी दाखल झाली असून तपास सुरू आहे.
एमआयएमची पैसे घेऊन भाजपला मदत, रोहित पवारांच्या आरोपवर विखे भडकले
उद्धव ठाकरे गटाचे खा. संजय राऊत हे रविवारी दिवसभर सोलापुरातील पदाधिकाऱ्यांशी आणि कार्यकर्त्यांच्या भेटीगाठी करून सायंकाळी सोलापुरातील बाळे येथील हॉटेल लीमोरच्या उद्घाटनासाठी गेले होते. फित कापून खा. संजय राऊत यांच्या हस्ते उदघाटन झाले. उद्घाटना नंतर खा. संजय राऊत यांनी उपस्थित मराठी तरुणांना आणि शिवसैनिकाना संबोधित करत जोरदार भाषण करत विरोधकांवर टीका देखील केली. भाषणा संपल्यानंतर काही वेळातच खा. संजय राऊत यांचा ताफा दुसऱ्या कार्यक्रमासाठी बाळे येथून निघाला. त्यावेळी खा. संजय राऊतांच्या वाहनांसमोर चपला फेकून देण्याचा प्रयत्न करण्यात आला. शिवसैनिकानी ताबडतोब चपला हटवून शिवराळ भाषेत आरडाओरडा केली.

मराठा समाजाची मागणी मान्य व्हायला हवी, पण ओबीसींच्या ताटातलं आरक्षण काढून नका; संजय राऊतांची भूमिका

उद्धव ठाकरे गटाचे नेते आणि खासदार संजय राऊत यांच्या वाहनावर सोलापुरात चप्पल फेक झाल्याची घटना रविवारी सायंकाळी घडली आहे. यामुळे सोलापुरातील शिवसैनिक तीव्र शब्दांत संताप व्यक्त करत आहेत. उद्धव ठाकरे गटाचे उपनेते शरद कोळी यांनी संताप व्यक्त करत राणे समर्थकांवर याच खापर फोडला आहे. नितेश राणे समर्थकांनीच चप्पल फेकीसारखा प्रकार केल्याचा आरोप शरद कोळी यांनी केला आहे. मर्द असले असते तर थांबले असते. शिवसैनिकांनी त्याच ठिकाणी तुडवले असते, असा इशारा देखील शरद कोळी यांनी दिला आहे.