म. टा. विशेष प्रतिनिधी, मुंबई : कुर्ला पूर्व, नेहरूनगर परिसरात पुनर्विकास सुरू असलेल्या एका इमारतीच्या खोदकामादरम्यान शेजारच्या मेघदूत इमारतीला धक्का पोहोचून या इमारतीचा पाया खचण्याची दुर्घटना घडली. तसेच या इमारतीची सुमारे ५० हजार लिटरची पाण्याची टाकी कोसळली आहे. बुधवारी सायंकाळी साडेचारच्या सुमारास ही दुर्घटना घडली. दोन इमारतींमधील एकूण ७५ कुटुंबीयांना सुरक्षितस्थळी हलविण्यात आले आहे. मोठी दुर्घटना टळली असून, कोणतीही जीवितहानी झालेली नाही.
कुर्ला पूर्व येथील स. गो. बर्वे मार्गावर नेहरूनगर ही म्हाडाची वसाहत असून, येथील इमारत क्रमांक ७२चा पुनर्विकास सुरू आहे. इमारतीच्या पायाचे खोदकाम सुरू असताना, पाठीमागील सात मजली मेघदूत इमारत क्रमांक ७३च्या समोरचा भाग खचला. त्यामुळे जागेवर मोठा खड्डा पडला असून, या इमारतीची संरक्षक भिंत व सुमारे ५० हजार लिटरची पाण्याची टाकी कोसळली. या दुर्घटनेनंतर मेघदूत इमारत तातडीने रिकामी करण्यात आली आहे. मेघदूत इमारतीमधील ६० व इमारत क्रमांक ७५ मधील १५ अशा एकूण ७५ कुटुंबीयांना याच भागातील जवळच्या समाज कल्याण केंद्रामध्ये हलवण्यात आले आहे. ‘सर्व रहिवासी सुरक्षित आहेत. त्यांची सर्व प्रकारची काळजी घेतली जाते आहे,’ अशी माहिती कुर्ल्यातील शिवसेनेचे आमदार मंगेश कुडाळकर यांनी दिली.बिल्डरची निष्काळजी भोवली
इमारतीची संरचनात्मक तपासणी होणार
कुर्ला पूर्व येथील स. गो. बर्वे मार्गावर नेहरूनगर ही म्हाडाची वसाहत असून, येथील इमारत क्रमांक ७२चा पुनर्विकास सुरू आहे. इमारतीच्या पायाचे खोदकाम सुरू असताना, पाठीमागील सात मजली मेघदूत इमारत क्रमांक ७३च्या समोरचा भाग खचला. त्यामुळे जागेवर मोठा खड्डा पडला असून, या इमारतीची संरक्षक भिंत व सुमारे ५० हजार लिटरची पाण्याची टाकी कोसळली. या दुर्घटनेनंतर मेघदूत इमारत तातडीने रिकामी करण्यात आली आहे. मेघदूत इमारतीमधील ६० व इमारत क्रमांक ७५ मधील १५ अशा एकूण ७५ कुटुंबीयांना याच भागातील जवळच्या समाज कल्याण केंद्रामध्ये हलवण्यात आले आहे. ‘सर्व रहिवासी सुरक्षित आहेत. त्यांची सर्व प्रकारची काळजी घेतली जाते आहे,’ अशी माहिती कुर्ल्यातील शिवसेनेचे आमदार मंगेश कुडाळकर यांनी दिली.
दरम्यान, पालिकेच्या अधिकाऱ्यांनी ही म्हाडाची इमारत असल्याचे सांगितले. दुर्घटनेनंतर पालिकेच्या आपत्कालीन विभागाचे कर्मचारी, पोलिस, अग्निशमन दल, महानगर गॅस व पालिकेच्या कुर्ला एल विभागाचे अधिकारी घटनास्थळी दाखल झाले होते. मेघदूत इमारत राहण्यासाठी सुरक्षित आहे की नाही याचा निर्णय म्हाडा घेईल, असे पालिकेच्या अधिकाऱ्याने सांगितले.
बिल्डरची निष्काळजी भोवली
नेहरूनगरची वसाहत ही ५० ते ६० वर्षे जुनी असून, बहुसंख्य इमारतींना पुनर्विकासाची गरज आहे. दाटीवाटीने असलेल्या या इमारतींची दुरुस्ती किंवा पुनर्विकास करताना खूप काळजी घेणे आवश्यक आहे. इमारत क्रमांक ७२ चे खोदकाम सुरू असताना, गेल्या काही दिवसांपासून आजूबाजूच्या सर्व इमारतींना मोठे हादरे बसत होते. या धक्क्याने घरातील वस्तू पडत होत्या. त्यामुळे काम करताना काळजीपूर्वक करण्याची विनंती आम्ही बिल्डरच्या कर्मचाऱ्यांना केली होती. त्याकडे दुर्लक्ष करण्यात आल्याने ही दुर्घटना घडल्याचा आरोप येथील रहिवाशांनी केला आहे.
रस्त्याचा ‘तो’ पाच किलोमीटरचा पॅच गुळगुळीत होणार, वाहनं सुस्साट धावणार, मुंबई-ठाणे प्रवास वेगवान
इमारतीची संरचनात्मक तपासणी होणार
पाया खचलेल्या मेघदूत इमारतीची संरचनात्मक तपासणी करूनच रहिवाशांना पुन्हा आपल्या घरी जाण्याची परवानगी देण्यात येणार आहे. इमारतीसमोर पडलेला खड्डा बुजविण्याचे काम युद्धपातळीवर सुरू करून ते लवकर पूर्ण करण्यास प्राधान्य आहे, अशी माहिती घटनास्थळी असलेल्या म्हाडाच्या अधिकाऱ्यांनी दिली आहे. या दुर्घटनेबाबत बिल्डरवर कोणती कारवाई करायची याबाबत अद्याप निर्णय झालेला नाही, असे या अधिकाऱ्याने स्पष्ट केले आहे.
मुंबई-पुणे एक्स्प्रेस वेवरुन प्रवास करणाऱ्यांसाठी मोठी अपडेट, आज पुन्हा दोन तासांचा ब्लॉक, जाणून घ्या
Read Latest Maharashtra News And Marathi News