स्वप्नील एरंडोलीकर, सांगली : मेलेल्या सवतीने केलेली करणी काढण्यासाठी अघोरी उपाय करणाऱ्या कारंदवाडीच्या प्रकाश विष्णू शेंबडे पाटील उर्फ मामा याचा भांडाफोड अंधश्रद्धा निर्मूलन समिती सांगली आणि आष्टा पोलीस यांनी स्टिंग ऑपरेशन करून आज केला. प्रकाश पाटील उर्फ मामावर आष्टा पोलिसांनी महाराष्ट्र नरबळी आणि इतर अमानुष अनिष्ट, अघोरी प्रथा, जादूटोणा यांना प्रतिबंध करण्याबाबत व त्याचे समूळ उच्चाटन करण्याबाबत अधिनियम २०१३च्या कलम ३(२) अन्वये गुन्हा दाखल केला आहे.
सांगलीच्या अंधश्रद्धा निर्मूलन समितीकडे कारंदवाडी येथे प्रकाश शेंबडे पाटील ऊर्फ मामा हा त्याच्या घरी दर गुरुवार, रविवार व अमावस्येच्या दिवशी दरबार भरवून दैवी, अघोरी व जादुटोणा करुन उपाय सुचवून अंधश्रध्दा पसरवितो अशी तक्रार आली होती. त्या तक्रारीची खातरजमा करण्यासाठी अंधश्रद्धा निर्मूलन समितीच्या महिला कार्यकर्त्यांनी डमी भक्त म्हणून त्याच्या दरबारात पाठवले. तेव्हा त्यांच्या घरी दरबार सुरु होता. दरबारामध्ये प्रकाश पाटील मामा यांनी काय त्रास आहे म्हणून विचारले तेव्हा त्यास अंनिस कार्यकर्त्या आशा धनाले यांनी सांगितले की, “माझी मयत सवत माझ्या स्वप्नामध्ये येते व मला त्रास देते व माझ्या अंगातून प्रचंड वेदना होतात” असे खोटे सांगितल्यावर प्रकाश विष्णु शेंबडे पाटील ऊर्फ मामा यांनी भंडाऱ्याचे रिंगण काढून धनाले यांच्या कपाळावर भंडारा लावून सुमारे तासभर रिंगणामध्ये बसवलं.
सांगलीच्या अंधश्रद्धा निर्मूलन समितीकडे कारंदवाडी येथे प्रकाश शेंबडे पाटील ऊर्फ मामा हा त्याच्या घरी दर गुरुवार, रविवार व अमावस्येच्या दिवशी दरबार भरवून दैवी, अघोरी व जादुटोणा करुन उपाय सुचवून अंधश्रध्दा पसरवितो अशी तक्रार आली होती. त्या तक्रारीची खातरजमा करण्यासाठी अंधश्रद्धा निर्मूलन समितीच्या महिला कार्यकर्त्यांनी डमी भक्त म्हणून त्याच्या दरबारात पाठवले. तेव्हा त्यांच्या घरी दरबार सुरु होता. दरबारामध्ये प्रकाश पाटील मामा यांनी काय त्रास आहे म्हणून विचारले तेव्हा त्यास अंनिस कार्यकर्त्या आशा धनाले यांनी सांगितले की, “माझी मयत सवत माझ्या स्वप्नामध्ये येते व मला त्रास देते व माझ्या अंगातून प्रचंड वेदना होतात” असे खोटे सांगितल्यावर प्रकाश विष्णु शेंबडे पाटील ऊर्फ मामा यांनी भंडाऱ्याचे रिंगण काढून धनाले यांच्या कपाळावर भंडारा लावून सुमारे तासभर रिंगणामध्ये बसवलं.
भंडारा घातलेले एक ग्लास पाणी पिण्यास दिले आणि ”तुम्हाला पाच रविवार माझ्याकडे दरबारात यावे लागेल मग तुम्हाला बरे वाटेल”, असं सांगण्यात आलं. त्यानंतर प्रकाश विष्णु शेंबडे पाटील ऊर्फ मामा हा अंधश्रध्दा पसरवत असल्याबाबत अंधश्रध्दा निर्मूलन समितीची खात्री झाल्याने आष्टा पोलीस ठाण्यात माहिती देऊन तक्रार दिली. पोलीस अंनिसच्या महिला कार्यकर्त्यांसोबत साध्या वेशात तिथे पोहोचल्या. त्यानंतर ते साध्या वेशातील पोलिसांना घेऊन कारंदवाडीच्या दरबारात पोहोचले. कार्यकर्त्यांचा नंबर आल्यानंतर प्रकाश पाटील मामा यांना अंनिस कार्यकर्ते आशा धनाले यांनी ”माझ्या मयत सवतीचा त्रास वाढलेला आहे”, असे सांगितलं. त्यावर उपाय म्हणून त्यांनी परत भंडाऱ्याचे रिंगणात बसवून कपाळावर भंडारा लावून, जिभेवर भंडारा टाकून आता तुम्हाला बरे वाटेल असं सांगितलं.
या सर्व प्रकारानंतर त्यांनी मंतरलेला ताईत दिला आणि डॉक्टरांची औषध घेऊ नका म्हणून सांगितलं. इच्छेप्रमाणे दक्षिणा ठेवण्यास सांगितलं. याचदरम्यान आष्टा पोलीस स्टेशनचे पोलीस निरीक्षक श्रीकृष्ण कटकधौंड, सहाय्यक पोलीस निरीक्षक मनमित राऊत, सहाय्यक पोलीस फौजदार दीपक भोसले, पोलीस नाईक दीपक पाटील, महिला पोलीस उज्वला पाटील, पोलीस हवालदार प्रवीण ढेपने आणि अंनिस कार्यकर्ते राहुल थोरात, शशिकांत बामणे हे मामाच्या दरबारात दाखल झाले. त्यावेळी प्रकाश मामा लोकांच्यावर अघोरी दैवी उपाय करत होता.
दैवी अघोरी उपायासाठी वापरणारे ताईत, गंडेदोरे, भंडारा, लिंबू अशा वस्तूंसह पोलिसांनी सदर ठिकाणचा सविस्तर पंचनामा करुन संबंधीत वस्तू जप्त केल्या आहेत. पोलीस प्रकाश मामाला ताब्यात घेऊन आष्टा पोलीस स्टेशनला घेऊन आले. प्रकाश शेबडे पाटील ऊर्फ मामा हा त्याच्या देव्हाऱ्यात ओटी असून ती आपोआप आलेली आहे, असं म्हणून चमत्काराची अंधश्रध्दाही पसरवत होता. प्रकाश मामा हा आपल्याजवळ असलेल्या दैवी उपचाराने भक्तांच्या सर्व समस्या दूर होतात असा दावा करुन, भक्तांना भंडाऱ्याचे पाणी पिण्यास देऊन तसेच जिभेवर भंडारा टाकून, गळ्यात ताईत बांधण्यास देऊन अनिष्ट तसेच अघोरी उपचार करुन लोकांची दिशाभूल करत असल्याची खात्री झाली. तेव्हा तरी प्रकाश विष्णु शेंबडे पाटील ऊर्फ मामा याच्यावर आष्टा पोलिसांनी अंनिस कार्यकर्त्या आशा धनाले यांच्या फिर्यादीवरून जादूटोणाविरोधी कायदे अंतर्गत गुन्हा नोंद केला.
तीन राज्यात पराभव, तेलंगाणातील विजयावर राहुल गांधींचं ट्विट, जनादेश मान्य म्हणत पुढील वाटचालीचे दिले संकेत