सातारा : महाराष्ट्रात भाजपची सत्ता येणार नाही, असा आम्हाला पूर्ण विश्वास आहे. आज अजित पवार जे मोदींविषयी बोलत आहेत, त्यामागचे कारण म्हणजे त्यांची भाजपशी झालेली जवळीक आहे. सातारा जिल्ह्यात आम्ही लोकसभेचा उमेदवार उभा करणार असून निवडूनही आणणार असल्याचा विश्वास ज्येष्ठ नेते खासदार शरद पवार यांनी व्यक्त केला.
राष्ट्रवादी काँग्रेस पक्षाचे अध्यक्ष, खासदार शरद पवार यांनी आज सातारा येथे शासकीय विश्रामगृहात माध्यमांशी संवाद साधला. त्यावेळी ते बोलत होते. यावेळी उपमुख्यमंत्री अजित पवार यांच्यावर त्यांनी निशाणा साधला. तसेच उदयनराजेंना जोरदार चिमटे काढले.
राष्ट्रवादी काँग्रेस पक्षाचे अध्यक्ष, खासदार शरद पवार यांनी आज सातारा येथे शासकीय विश्रामगृहात माध्यमांशी संवाद साधला. त्यावेळी ते बोलत होते. यावेळी उपमुख्यमंत्री अजित पवार यांच्यावर त्यांनी निशाणा साधला. तसेच उदयनराजेंना जोरदार चिमटे काढले.
अजितदादांना द्यायला कमी पडलो
आम्ही धर्मनिरपेक्ष विचारांचे पक्ष आहोत. त्यामुळं अजित पवार कोणाला काय म्हणाले, याबाबत त्यांना विचारा. तसेच मी त्यांना काय काय द्यायला कमी पडलो ते तुम्ही त्यांनाच विचारा, असे पवार म्हणाले.
भिजल्यानंतर लोकं काय करतात ते पाहिलंय
सातारा जिल्ह्यातील सातारा लोकसभा मतदारसंघ, वाई व फलटण विधानसभा निवडणुकीबाबत प्रश्न विचारण्यावर शरद पवार म्हणाले, साताऱ्यातील सभेत पावसात भिजलो. त्यानंतर लोकं काय करतात ते सर्वांनी पाहिलंय. त्यामुळे येणाऱ्या निवडणुकीत उमेदवार देणार आणि निवडूनही आणणार, असे ठामपणे त्यांनी सांगितले.
राष्ट्रवादीच्या अधिवेशनात छगन भुजबळांची हवा, अजितदादांसमोर ओबीसी आरक्षणाचा मुद्दा ठासून मांडला, म्हणाले…
मराठा समाजाला आरक्षण मिळाले पाहिजे
आम्हा सगळ्यांची मागणी आहे, की संपूर्ण देशात जातनिहाय जनगणना झाली पाहिजे. त्यानंतर संपूर्ण चित्र स्पष्ट होईल. त्यानंतर ज्या समाजाला आरक्षणाची गरज आहे, त्यांची स्पष्टता येईल. महाराष्ट्राच्या मुख्यमंत्र्यांनी सर्वपक्षीय बैठक बोलावली होती. यात मराठा समाजाला आरक्षण दिलं पाहिजे, ही आमची भूमिका आहे; परंतु, त्यासोबत इतर समाजाच्या आरक्षणाला धक्का लागू नये, अशी आमची भूमिका आहे. इतरांच्या ताटातल काढून न घेता मराठा समाजाला न्याय द्यावा. अधिवेशनात आरक्षणावर काय चर्चा होईल यावर आमचं लक्ष असेल, असे पवार यांनी शेवटी म्हटले.
आता आमचा योग्य पद्धतीने सुखाचा संसार सुरु झालाय, शंभूराज देसाईंची साताऱ्याच्या जागेबद्दल सावध भूमिका,म्हणाले..
उदयनराजेंचं भाजपमध्ये मन रमत नाही, राष्ट्रवादीत घेणार का?
उदयनराजे यांचं भाजपमध्ये मन लागत नाही. तुमच्याशी त्यांची पुन्हा जवळीक झाली आहे का? असा प्रश्न पत्रकारांनी विचारल्यावर त्याला शरद पवार यांनी मिश्किल उत्तर दिलं. तुमच्याकडे काही माहिती दिली आहे का? असा प्रतिप्रश्न विचारत त्यांचं कुठे कुठे मन लागत नाही, याची खासगीत मला माहिती द्या…असं शरद पवार म्हणाले. त्यावर त्यांनाही हसू अनावर झालं आणि संपूर्ण सभागृह खळखळून हसलं.