यानंतर सिस्टरने १६ वर्षीय मुलीचे केस धरून ओढून खाली पाडले. १६ वर्षीय मुलीच्या लहान बहिणीने तिला उचलले असता तिला आणि मुलीच्या एका आणखी मैत्रीणीला लिंबाच्या काडीने मारहाण केली. या मारहाणीनंतर मुलींना जेवणही दिले नाही. ही घटना २७ नोव्हेंबर ते ३० नोव्हेंबर काळात घडली. या प्रकरणी १६ वर्षीय मुलीच्या तक्रारीवरून अमानुषपणे मारहाण करणाऱ्या बालगृहाच्या सिस्टरच्या विरोधात छावणी पेालीस ठाण्यात गुन्हा दाखल करण्यात आला आहे. या प्रकरणात १६ वर्षीय मुलीने मोबाइल मागितल्याच्या कारणावरून तिला सिस्टरने मारहाण केली; तसेच तुम्ही सर्वजणी माझ्या विषयी गप्पा मारतात का? असे सांगून, या मुलींचे फोटो काढले. तुमचे फोटो सगळीकडे दाखविते, असे सांगून शिवीगाळ केली. तसेच तुझी आत्या भिकारी आहे, असे सांगून अपमान केला.