शिवसेना उबाठा गटातर्फे रविवारी भांडुपमध्ये ईशान्य मुंबईत राहणाऱ्या कोकणवासियांचा जाहीर मेळावा आयोजित करण्यात आला होता. मुख्यमंत्री एकनाथ शिंदे यांच्या नावापुढे राजस्थानातील प्रचारावेळी भाजपच्या बॅनरवर उल्लेख करण्यात आलेल्या ‘हिंदू ह्रदय सम्राट’ शब्दावरुन माजी महापौर दत्ता दळवी यांनी या मेळाव्यात शिवीगाळ केली होती.

ठाकरे गटाचे मुंबईतले तीन लोकसभा उमेदवार ठरले? विनायक राऊत यांनी थेट नावच सांगितलं

कोण आहेत दत्ता दळवी?

दत्ता दळवी हे सध्या शिवसेना (उद्धव बाळासाहेब ठाकरे) गटात आहेत. त्यांनी २००५ ते २००७ या काळात मुंबई महापालिकेवर शिवसेना-भाजप युतीची सत्ता असताना महापौरपद भूषवलं आहे. त्याआधी सलग तीन वेळा त्यांनी मुंबई महापालिकेत नगरसेवक म्हणून काम केलं आहे.

शिवसेनेत विभाग क्रमांक 7 चे विभागप्रमुख तसेच उपेनेते पद भूषवले आहे

2018 साली शिवसेनेच्या ईशान्य मुंबईतील महिला पदाधिकाऱ्यांमध्ये गटबाजीमुळे माजी महापौर आणि ईशान्य मुंबईचे तत्कालीन विभाग क्रमांक 7 चे विभागप्रमुख दत्ता दळवी यांनी आपल्या पदाचा राजीनामा उद्धव ठाकरेंकडे सुपूर्द केला होता, त्यावेळी दळवी यांनी राजीनामा स्वतः दिला की उद्धव ठाकरे यांना द्यायला लावला अशी चर्चा सुरु होती

मालवण तालुक्यातील तळगाव गावडेवाडी तलावानजिक एप्रिल 2022 ला बैल झुंजीचे अनधिकृतपणे आयोजन करण्यात आले होते. यामध्ये एका बैलाचा मृत्यू झाला. या प्रकरणात एका बैलाच्या मृत्यूस व अन्य बैलांच्या दुखापतीस कारणीभूत ठरल्याप्रकरणी मालवण, कुडाळ, वेंगुर्ले येथील 12 मुख्य संशयितांसह अन्य अज्ञात व्यक्तींविरोधात येथील पोलिस ठाण्यात गुन्हा दाखल झाला होता या प्रकरणी शिवसेनेचे मुंबईचे माजी महापौर दत्ता दळवी यांचा देखील समावेश होता

ठाकरेंची लोकसभा रणनीती ठरली, राऊतांकडे डझनभर मतदारसंघांची धुरा, राष्ट्रवादीशी संबंधित जागांचा समावेश
दरम्यान, सार्वजनिक सभेत संविधानिक पदावर बसलेल्या व्यक्तीबद्दल अश्लील शिवीगाळ व अपमानकारक वक्तव्य केल्याप्रकरणी शिवसेना शिंदे गटाचे उपविभागप्रमुख भूषण पालांडे यांनी भांडुप पोलिस ठाण्यात तक्रार नोंदवली होती. या संदर्भातील अधिक माहिती घेण्यासाठी खासदार संजय राऊत भांडुप पोलीस स्टेशनला दाखल होत असल्याची माहिती मिळतेय

Read Latest Mumbai Updates And Marathi News