कार्यक्रमात बाया कर्वे लिखित ‘माझे पुराण’ या मूळ मराठी पुस्तकाच्या ‘मेरी गाथा’ या हिंदी आणि ‘द सागा ऑफ माय लाइफ’ या इंग्रजी अनुवादाचे प्रकाशन होणार आहे. तसेच बाया कर्वे पुरस्कारप्राप्त महिलांच्या कार्यावर आधारित ‘कर्त्या करविता’ या पुस्तकाचे प्रकाशन करण्यात येणार आहे, अशी माहिती संस्थेच्या अध्यक्षा स्मिता घैसास यांनी सोमवारी पत्रकार परिषदेत दिली. संस्थेचे कार्याध्यक्ष रवींद्र देव आणि सचिव पी. व्ही. एस. शास्त्री या वेळी उपस्थित होते.

सिलीगुडी येथील कांचनजंगा उद्धार केंद्र संस्थेच्या संस्थापक रंगू सौरिया या दार्जिलिंग, ईशान्य भारत आणि नेपाळमधील लैंगिक तस्करी पीडितांसाठी कार्यरत आहेत. संस्थेच्या माध्यमातून त्यांनी देशभरातील विविध शहरांमधून अकराशेहून अधिक मुलींची सुटका केली आहे. यामध्ये अरब देशांमध्ये गेलेल्या आणि सौदी अरेबियातील स्वयंसेवी संस्थांच्या मदतीने भारतात परत आणलेल्या मुलींचाही समावेश आहे.

Read Latest Maharashtra News And Marathi News