नागपूर: दारूसाठी पैसे न मिळाल्याने पोटच्या मुलाने आईचा शारीरिक आणि मानसिक छळ केला आहे. त्यानंतर मारहाण करून तिला घराबाहेर काढले. ही संतापजनक घटना पाचपावली पोलीस ठाण्याच्या हद्दीत उघडकीस आली. याप्रकरणी पोलिसांनी ३२ वर्षीय मुलगा लकीविरुद्ध गुन्हा दाखल केला. ६० वर्षीय आई लता (नाव बदललेले) यांनी दिलेल्या तक्रारीवरुन हा गुन्हा दाखल करण्यात आला.
धक्कादायक! वाढदिवशी आवडती भेटवस्तू दिली नाही; पत्नीला राग अनावर, पतीवर शस्त्राने हल्ला, दुर्दैवी मृत्यू
मिळालेल्या माहितीनुसार, लता यांच्या पतीचे निधन झाले आहे. पेन्शनवर त्या उदरनिर्वाह करतात. त्यांच्या तीन मुलींचे लग्न झाले असून लकी हा बेरोजगार आहे. त्याला दारूचे व्यसन आहे. ओळखीच्या व्यक्तींकडून उधार पैसे घेऊन तो दारूचे व्यसन भागवितो. लता यांच्याकडेही तो पैसे मागतो. पैसे न दिल्यास त्यांना मारहाण करून उपाशी ठेवतो. त्याने लोकांकडून उधार घेतलेले पैसे लता यांनी परत दिले. त्याची समजूतही घातली. मात्र त्याचे दारूचे व्यसन कमी झाले नाही.
धक्कादायक! वाढदिवशी आवडती भेटवस्तू दिली नाही; पत्नीला राग अनावर, पतीवर शस्त्राने हल्ला, दुर्दैवी मृत्यूमिळालेल्या माहितीनुसार, लता यांच्या पतीचे निधन झाले आहे. पेन्शनवर त्या उदरनिर्वाह करतात. त्यांच्या तीन मुलींचे लग्न झाले असून लकी हा बेरोजगार आहे. त्याला दारूचे व्यसन आहे. ओळखीच्या व्यक्तींकडून उधार पैसे घेऊन तो दारूचे व्यसन भागवितो. लता यांच्याकडेही तो पैसे मागतो. पैसे न दिल्यास त्यांना मारहाण करून उपाशी ठेवतो. त्याने लोकांकडून उधार घेतलेले पैसे लता यांनी परत दिले. त्याची समजूतही घातली. मात्र त्याचे दारूचे व्यसन कमी झाले नाही.
दोन दिवसांपूर्वी लकी याने लता यांच्याकडे दारू पिण्यासाठी पैसे मागितले. त्यांनी पैसे देण्यास नकार देताच लकीने लता यांना मारहाण केली. ‘तू घरातून निघून जा, तू घरातून गेल्यानंतर मी लग्न करेन’, असे म्हणत त्यांना परत झाडूने मारहाण केली. लता यांना घराबाहेर काढून दरवाजा बंद केला. लता यांनी मुलीच्या मोबाइलवर संपर्क साधून माहिती दिली. मुलगी तेथे आल्यानंतर मुलीसह लता यांनी पाचपावली पोलीस ठाणे गाठून तक्रार दिली. पोलिसांनी लकीविरुद्ध मारहाण, शिवीगाळ करणे, ज्येष्ठ नागरिक आणि पालक यांचे पालनपोषन व कल्याण अधिनियमांतर्गत गुन्हा दाखल करून तपास सुरू केला आहे.