अमरावती : राष्ट्रीय समाज पक्षाचे नेते महादेव जानकर पक्ष बांधणीच्या अनुषंगाने काढलेल्या जनस्वराज्य यात्रेनिमित्त अमरावती दौऱ्यावर होते. यावेळी त्यांनी माध्यमांसोबत संवाद साधत राष्ट्रीय समाज पक्षाचे १४५ आमदार निवडून आले तर मी भारतीय जनता पार्टीच्या नेत्या पंकजा मुंडे यांना मुख्यमंत्री करेल, असं वक्तव्य केलं.
यावेळी स्थानिक पत्रकार भवनात आयोजित पत्रकार परिषदेत बोलताना महादेव जानकर म्हणाले की, भाजपचे दिवंगत नेते गोपीनाथराव मुंडे यांनी मला मुलगा मानला आहे. त्या नात्याने पंकजा मुंडे या माझ्या बहिणी आहेत. आमच्या पक्षाचे जर १४५ आमदार निवडून आले तर मी माझ्या बहिणीलाच मुख्यमंत्री करेल, अशी घोषणा त्यांनी केली.
यावेळी स्थानिक पत्रकार भवनात आयोजित पत्रकार परिषदेत बोलताना महादेव जानकर म्हणाले की, भाजपचे दिवंगत नेते गोपीनाथराव मुंडे यांनी मला मुलगा मानला आहे. त्या नात्याने पंकजा मुंडे या माझ्या बहिणी आहेत. आमच्या पक्षाचे जर १४५ आमदार निवडून आले तर मी माझ्या बहिणीलाच मुख्यमंत्री करेल, अशी घोषणा त्यांनी केली.
सध्या मराठा आरक्षणावरून राज्याचे राजकारण ढवळून निघत आहे. अशातच कधीकाळी भाजपचे मित्र पक्ष असलेले लहान-मोठे पक्षही विविध यात्रा काढून लोकसभा आणि विधानसभेत आपली ताकद दाखवून देण्याचा प्रयत्न करत आहे. त्याच अनुषंगाने राष्ट्रीय समाज पक्षाचे नेते महादेव जानकर हे अमरावती जिल्ह्याच्या दौऱ्यावर आले होते. आज दर्यापूर येथील कार्यकर्ता मेळाव्यात त्यांनी कार्यकर्त्यांशी संवाद साधला. त्यापूर्वी त्यांनी अमरावतीत पत्रकारांशी संवाद साधला.
बाबासाहेब आंबेडकरांनी मुस्लीम धर्म स्वीकारला असता तर भारताचे दोन तुकडे झाले असते: विजय वडेट्टीवार
आम्ही भाजपचे मित्र पक्ष असताना आम्हाला सुद्धा भाजपमध्ये पक्ष विलीन करा असे सांगण्यात आले होते. पण आम्ही पक्ष विलीन केला नाही. आम्ही होतो म्हणून भाजपचे सरकार आले. पश्चिम महाराष्ट्रामध्ये भाजपला कोणी ओळखत नाही. भाजप हा छोट्या छोट्या पक्षाला गिळून स्वत: मोठा होऊ पाहत आहे, असा आरोपही महादेव जानकर यांनी केला. त्यामुळेच आम्ही सध्या समाजातील विखुरलेल्या घटकांना संघटित करून जनसुराज्य आणण्यासाठी ही यात्रा काढली असल्याचं सुद्धा महादेव जानकर यांनी सांगितले. यावेळी पक्षाचे जिल्हाध्यक्ष किरण होले उपस्थित होते.