पालघर: मुंबई- अहमदाबाद राष्ट्रीय महामार्गावर कारने विरुद्ध दिशेने जाणाऱ्या टँकरला समोरून धडक दिल्याने भीषण अपघात घडला आहे. पालघर जिल्ह्यातील मेंढवण खिंडीत हा भीषण अपघात घडला असून या अपघातात कारचालकसह दोघांचा जागीच मृत्यू झाला आहे. मृतकांमध्ये पाच वर्षाच्या चिमुकलीचा देखील समावेश असून दोन जण गंभीररित्या जखमी झाले आहेत.
मुंबई-अहमदाबाद राष्ट्रीय महामार्गावर मुंबईहून गुजरातच्या दिशेने जात असलेल्या भरधाव कारचालकाचे कारवरील नियंत्रण सुटले. त्यामुळे मेंढवण खिंडीतील धोकादायक असलेल्या वळणावर ही भरधाव कार विरुद्ध दिशेच्या मर्गिकेवर जाऊन समोरून येणाऱ्या टँकरला धडकली. हा अपघात इतका भीषण होता अपघातात कारच्या पुढच्या भागाचा पूर्णतः चक्काचूर झाला आहे. या भीषण अपघातात कारमधून असलेल्या तिघांचा जागीच मृत्यू झाला असून हर्षद गोडबोले (वय ४२), आनंदी गोडबोले (वय ५) व कारचालक मिलिंद वैद (वय ४३) अशी अपघातातील मृतकांची नावे आहेत. त्याचप्रमाणे हर्षदा गोडबोले (वय ३७), अद्वैत गोडबोले (वय १२) हे कारमधील दोन प्रवासी देखील गंभीररित्या जखमी झाले आहेत.
मुंबई-अहमदाबाद राष्ट्रीय महामार्गावर मुंबईहून गुजरातच्या दिशेने जात असलेल्या भरधाव कारचालकाचे कारवरील नियंत्रण सुटले. त्यामुळे मेंढवण खिंडीतील धोकादायक असलेल्या वळणावर ही भरधाव कार विरुद्ध दिशेच्या मर्गिकेवर जाऊन समोरून येणाऱ्या टँकरला धडकली. हा अपघात इतका भीषण होता अपघातात कारच्या पुढच्या भागाचा पूर्णतः चक्काचूर झाला आहे. या भीषण अपघातात कारमधून असलेल्या तिघांचा जागीच मृत्यू झाला असून हर्षद गोडबोले (वय ४२), आनंदी गोडबोले (वय ५) व कारचालक मिलिंद वैद (वय ४३) अशी अपघातातील मृतकांची नावे आहेत. त्याचप्रमाणे हर्षदा गोडबोले (वय ३७), अद्वैत गोडबोले (वय १२) हे कारमधील दोन प्रवासी देखील गंभीररित्या जखमी झाले आहेत.
संतापजनक ! दोन दिवसांच्या अर्भकाला उघड्यावर टाकलं, शरीरावरही गंभीर जखमा, पुण्यात माणुसकीला काळिमा
या भीषण अपघातानंतर राष्ट्रीय महामार्गावर मोठ्या प्रमाणावर वाहतूक कोंडी निर्माण झाली होती. घटनेची माहिती मिळतात पोलीस प्रशासन घटनास्थळी दाखल झाले. अपघातात गंभीररीत्या जखमी झालेल्या दोघांना तातडीने रुग्णवाहिकेच्या मदतीने उपचारासाठी रुग्णालयात हलविण्यात आले आहे. जखमींवर कासा येथील उपजिल्हा रुग्णालयात उपचार सुरू असून जखमी दोघांची प्रकृती देखील चिंताजनक आहे.
दरम्यान, पोलीस प्रशासनाने राष्ट्रीय महामार्गावर असलेले अपघातग्रस्त वाहन रस्त्याच्या बाजूला सारून वाहतूक सुरळीत करण्यात आली. मुंबई- अहमदाबाद राष्ट्रीय महामार्गावर मेंढवण खिंडीत असलेल्या धोकादायक वळणावर आजवर अनेक अपघात घडले असून अनेक प्रवाशांना आपला जीव देखील गमवावा लागला आहे. मात्र, राष्ट्रीय महामार्ग प्राधिकरणाकडून याबाबत कोणत्याही ठोस उपाययोजना केल्या जात नसल्याचा आरोप स्थानिकांनी केला असून याबाबत रोष व्यक्त केला आहे.
Read Latest Maharashtra News And Marathi News