रोहित शर्मा जे मिटींगमध्ये बोलायचा ते त्याने कधीच मैदानात… सूर्याचे नेतृत्व मिळाल्यावर मोठे विधान
जुन्या पुलाच्या तुलनेत गणपतराव कदम मार्ग आणि ना. म. जोशी मार्गावर अतिरिक्त मार्गिकेचा पर्याय उपलब्ध झाल्याने वाहतूक सुरळीत व्हायला मदत होईल. नव्याने बांधलेल्या पुलावर चार नवीन जिने बांधण्यात येणार असल्याचे पालिकेकडून सांगण्यात आले. तसेच या पुलाला दोन सरकते जिने जोडण्यात येणार आहेत. सेवामार्गांची रूंदी वाढल्यामुळे तसेच पुलाखालील मोकळ्या जागेमुळे पादचाऱ्यांची वहिवाट पूर्वीपेक्षा सुरळीत होणार असल्याचा दावा पालिकेने केला आहे. या पुलाच्या एका मार्गिकेचे काम १८ सप्टेंबर, २०२३ रोजी पूर्ण झाले व ती मार्गिका दोन्ही बाजूच्या वाहतुकीसाठी खुली करण्यात आली. आता दुसरी मार्गिकाही पूर्ण झाल्याने आज, गुरुवारपासून संपूर्ण पूल वाहतुकीसाठी उपलब्ध होत आहे.

आदित्य ठाकरे यांना आमंत्रण

डिलाइल पुलाच्या शेवटच्या मार्गिकेचे किरकोळ काम सुरू असतानाच त्याचे उद्घाटन आमदार आदित्य ठाकरे यांच्यासह अन्य लोकप्रतिनिधींनी नुकतेच केले होते. यामुळे बराच वादही रंगला. याविरोधात पोलिस ठाण्यातही तक्रार झाली. या पार्श्वभूमीवर पुलाच्या लोकार्पण सोहळ्याला आमदार आदित्य ठाकरे यांनाही आमंत्रण देण्यात आले असून स्थानिक खासदार अरविंद सावंत, आमदार आशीष शेलार यांच्यासह आमदार सुनील शिंदे आदी उपस्थित राहणार आहेत.

भारत आणि ऑस्ट्रेलियाचा टी-२० सामना नेमका किती वाजता सुरु होणार, जाणून घ्या योग्य वेळ…