नक्षलवाद्यांची दहशत मोडून काढण्यासाठी गडचिरोली पोलिसांचे मोठे पाऊल, एकाच दिवसात पोलीस स्टेशन उभारलं
या गुन्ह्यात डॉ. हिरे यांना भोपाळ येथून अटक करण्यात आली होती. त्यानंतर त्यांना गुरुवारी (दि. १६) मालेगाव न्यायालयात आणण्यात आले. त्यानंतर न्यायाधीश एस. व्ही. बघेले यांच्या न्यायालयात डॉ. हिरे यांना उभे केले होते. दोन्ही पक्षांचा युक्तिवाद ऐकल्यानंतर न्या. बघेले यांनी डॉ. हिरे यांना पाच दिवसांची पोलिस कोठडी सुनावली होती. सोमवारी (दि. २०) डॉ. हिरे यांची कोठडी संपल्यानंतर न्या. बहाळकर यांच्या न्यायालयात दुपारी हजर करण्यात आले. यावेळी सरकारी पक्षातर्फे युक्तिवाद करताना सहायक सरकारी वकील व जिल्हा बँकेचे वकील ए. वाय. वासिफ म्हणाले की, जिल्हा बँकेला दोन दिवस सुटी असल्याने बँकेकडून काही रेकॉर्ड उपलब्ध होऊ शकले नाही. ते मिळविण्यासाठी, तसेच बँकेचे तत्कालीन मुख्य कार्यकारी अधिकारी व व्यवस्थापक यांचे जाबजबाब घेणे महत्त्वाचे असल्याने त्यांनी चार दिवसांच्या पोलिस कोठडीची मागणी केली.

यावर न्या. बहाळकर यांनी दोन्ही बाजूंचे युक्तिवाद ऐकून या प्रकरणाचा तपास सुरू असल्यामुळे त्यांनी डॉ. हिरे यांच्या पोलिस कोठडीत तीन दिवसांची वाढ केली. यावेळी डॉ. हिरे समर्थकांनी न्यायालय आवारात गर्दी केली होती. अनुचित प्रकार घडू नये म्हणून पोलिस बंदोबस्त ठेवण्यात आला होता.

Read Latest Maharashtra News And Marathi News