विद्यार्थ्यांना पदव्युत्तर अभ्यासक्रमासाठी विद्याशाखा बदलण्याची मुभा मिळणार आहे. पदवीला दोन मुख्य विषय घेतलेल्या विद्यार्थ्यांना कोणत्याही एका विषयात पदव्युत्तर पदवीला प्रवेश घेता येऊ शकेल. तसेच विद्यार्थ्यांना त्यांच्या आवडीनुसार विषय निवडता येतील. विद्यार्थ्यांना शिकण्यासाठी प्रत्यक्ष, दूरस्थ, ऑनलाइन आणि मिश्र असे पर्याय उपलब्ध करून देण्याबाबत स्पष्ट करण्यात आले आहे. नव्या रचनेनुसार दोन वर्षांच्या पदव्युत्तर पदवीला प्रवेश घेतलेल्या विद्यार्थ्यांना एक वर्ष पूर्ण करून अभ्यासक्रमातून बाहेर पडता येईल.

संबंधित विद्यार्थ्यांना पदव्युत्तर पदविका दिली जाईल. पदव्युत्तर पदवी अभ्यासक्रमामध्ये संबंधित शाखेनुसार व्यावसायिक शिक्षण देण्याबाबत नमूद करण्यात आले आहे. शैक्षणिक घटकांच्या माहितीसाठी हा मसुदा युजीसीच्या वेबसाइटवर प्रसिद्ध करण्यात आला आहे. यूजीसीने नव्या या मार्गदर्शक मसुद्यावर शैक्षणिक घटकांकडून हरकती-सूचना मागवल्या आहेत. त्यासाठी १५ डिसेंबरपर्यंतची मुदत देण्यात आली आहे. या मसुद्यावर [email protected] या ईमेलवर हरकती-सूचना नोंदवता येतील, असे परिपत्रकात सांगण्यात आले आहे.