टीम इंडियाने वर्ल्ड कपमध्ये सलग ९ सामने कसे जिंकले? रोहित शर्माने स्वतः सांगितले भारताच्या यशाचे रहस्य
परिवर्तनशील भाडेआकारणी

राज्य परिवहन महामंडळातर्फे ८ ते २७ नोव्हेंबर या कालावधीत परिवर्तनशील भाडेआकारणी करण्यात येणार आहे. त्यामुळे ७ व ८ नोव्हेंबरच्या रात्रीपासून प्रवास सुरू करणाऱ्या प्रवाशांपैकी ज्या प्रवाशांनी आगाऊ आरक्षण केले आहे अशा प्रवाशांना जुने तिकीट दर व नवीन तिकीट दर यातील फरकाचे तिकीट वाहकाकडून प्राप्त करावे लागणार आहे. दिवाळीनिमित्त गावी जाणाऱ्यांची एसटीला गर्दी असते. नोकरीनिमित्त बाहेर असलेले कर्मचारी या सणात घरी जातात. त्यातील बहुतांश जण एसटीला प्राथमिकता देतात. त्या अनुषंगाने नियोजनास एसटी महामंडळाकडून सुरुवात झाली आहे.

जागेसाठी खिडकीचा पर्याय

रविवारीदेखील प्रवाशांच्या वाढलेल्या गर्दीमुळे बसमध्ये जागा मिळवण्यासाठी अनेकांनी मागील खिडकीचा पर्याय निवडला. काहींनी चालकाच्या केबिनचाच ताबा घेतला. गर्दीमुळे अनेक मार्गांवरील बसमध्ये पाय ठेवायलाही जागा नव्हती. पालक लहान मुलांना खिडकीतून सीटवर बसवत असल्याचे चित्र होते. नाशिकहून अनेक भागात विशेष बस सोडण्यात आल्या होत्या. मुंबई, पुणे येथे जाण्यासाठी विशेष गाड्या सोडल्यानंतरही प्रवाशांची संख्या लक्षात घेता सोडलेल्या बस अपुऱ्या पडत होत्या. त्याचप्रमाणे बसस्थानकात वाहतुकीचे नियंत्रण करण्यासाठी नियंत्रकांची नेमणूक करण्यात आली होती.

दिवाळीतील दि. १२ ते २८ नोव्हेंबरचा कालावधी जादा वाहतुकीचा असल्याने एसटी बसची संख्या महामंडळाकडून वाढविण्यात आली आहे. त्यासाठी पुरेशा गाड्या उपलब्ध राहतील, एकही मार्ग बंद राहणार नाही, याबाबत दक्षता घेण्यात यावी, अशी सूचना सर्व आगारांना देण्यात आली आहे. महत्त्वाच्या मार्गांवर दर १० मिनिटांनी बस सोडण्यात येणार आहेत.

-अरुण सिया, विभाग नियंत्रक, नाशिक

…या मार्गांवर जादा बस-फेऱ्या

-धुळे, पुणे, जळगाव, नंदुरबार, छत्रपती संभाजीनगर, मुंबई

-पुणे आणि धुळे मार्गावर दर १० मिनिटांनी बस

-नियमित फेऱ्यांव्यतिरिक्त १०० जादा बस

-पुण्यासाठी शिवशाही, शिवनेरी, शिवाई, साध्या बस २४ तास उपलब्ध

-गर्दीचा ओघ पाहता कर्मचाऱ्यांच्या सुट्ट्या रद्द

-ग्रामीण भागातूनही थेट बससेवा

-नाशिकमधून पुणे मार्गावर १५० बस

गुड न्यूज: मध्य-पश्चिम रेल्वेच्या ९१९ विशेष फेऱ्या, रेल्वे प्रशासनाचा मोठा निर्णय; जाणून घ्या