शहरातील वायू प्रदूषण वाढत असून ही भविष्यासाठी धोक्याची घंटा आहे. शहरातील वायू प्रदूषण नियंत्रणासाठी याबाबत निरंतर कार्यवाही गरजेची असून त्यादृष्टीने महापालिकेकडून ही पाऊले उचलण्यात आल्याची माहिती वरिष्ठ अधिकाऱ्यांनी दिली. फटाक्यांपासून होणारे प्रदूषण रोखण्यासाठी वेळा निश्चित करताना शहरामधील बांधकांम स्थळांबाबतही दिशानिर्देश जारी करण्यात आले आहे. इमारत बांधकाम स्थळावरील धुळ उडू नये. ते धुळीकण हवेत मिसळू नये, यासाठी बांधकाम स्थळी लोखंडी पत्रे लावावेत. तसेच सतत पाण्याची फवारणी करण्याची सूचना करण्यात आली आहे.

राष्ट्रीय महामार्ग विकास प्राधिकरण, सार्वजनिक बांधकाम विभाग, मेट्रो, नागपूर सुधार प्रन्यास यांचेद्वारे शहरात कार्य सुरू असलेल्या सर्व ठिकाणी देखील नियमित पाण्याची फवारणी करण्याची आवश्यक दिशानिर्देशामध्ये नमूद करण्यात आली आहे. बांधकाम स्थळांवर वा अन्य ठिकाणी जमा असलेल्या सी अँड डी कचऱ्याचे धुलीकण हवेत मिसळू नयेत यासाठी हा कचरा पूर्णपणे झाकलेला असावा, याशिवाय बांधकाम मलबा ट्रकमधून डम्पिंग यार्डमध्ये घेउन जाताना तो देखील पूर्णपणे झाकलेला असावा तसेच रेडी मिक्स क्राँक्रिट तसेच बांधकाम साहित्य देखील झाकूनच आणले. नेले जावे, अशी देखील सूचना करण्यात आलेली आहे.
नितीशकुमार यांचा आणखी एक मास्टरस्ट्रोक, जातनिहाय सर्वेक्षणानंतर आरक्षण मर्यादा वाढवणार, भाजपची भूमिका काय?
शहरात कुठेही कचरा जाळण्यास बंदी आहे. कचरा जाळणा-यांवर मनपाद्वारे दंडात्मक कारवाई करण्यात येणार आहे. त्यामुळे कुठेही कचरा जाळला जाऊ नये, याबाबत देखील निर्देश देण्यात आले आहेत. नागपूर महानगरपालिकेच्या ‘आपली बस’ ताफ्यातील सर्व बसेस आणि सर्व शासकीय वाहनांचे पीयूसी तपासण्याचे देखील महापालिकेच्या परिवहन विभागाला निर्देश देण्यात आले आहेत. फटाके फोडल्यामुळे होणारे दुष्परिणाम आणि पर्यावरणावर होणारे विपरित परिणाम यासंबंधी शहरातील सर्व शाळांमधून जनजागृती होणे आवश्यक आहे. यासाठी मनपा शिक्षण विभागाला कार्यवाहीचे निर्देश देण्यात आले आहेत.