छत्रपती संभाजीनगर: मराठा समाजाला सरसकट कुणबी प्रमाणपत्र देऊन ओबीसी प्रवर्गातून आरक्षण देण्यासाठी मनोज जरांगे पाटील यांनी प्रचंड मोठा लढा उभारला होता. त्यांच्या या लढ्याला काहीप्रमाणात यश आले असून कुणबी नोंदी असलेल्या मराठ्यांना कुणबी प्रमाणपत्र देण्याची तयारी राज्य सरकारने दर्शविली होती. मात्र, मनोज जरांगे यांनी मराठ्यांना सरसकट कुणबी दाखले देण्याची मागणी कायम ठेवत यावर निर्णय घेण्यासाठी दोन महिन्यांची मुदत देऊ केली होती. राज्य सरकारने यादृष्टीने तोडगा काढण्याची तयारीही दर्शविली होती. मात्र, या मुद्द्यावरुन ज्येष्ठ नेते छगन भुजबळ हे नाराज असल्याची माहिती आहे. कालपासून सोशल मीडियावर त्यांची एक कथित ऑडिओ क्लीप व्हायरल होत आहे. या ऑडिओ क्लीपमध्ये ऐकायला मिळत असलेल्या संभाषणावरुन छगन भुजबळ हे आगामी काळात ओबीसी प्रवर्गात नवे वाटेकरी निर्माण होऊ देण्यास विरोध करतील, असे संकेत मिळत आहेत. भुजबळांची ही ऑडिओ क्लिप सध्या राज्यभरात चर्चेचा विषय ठरत आहे.
या पार्श्वभूमीवर मनोज जरांगे पाटील यांनी सोमवारी प्रसारमाध्यमांशी संवाद साधला. छगन भुजबळ यांच्या कथित व्हायरल ऑडिओ क्लिपवर बोलताना मनोज जरांगे पाटील म्हणाले की, ‘करेंगे या मरेंगे’ हा त्यांचा प्रश्न आहे. आमचं वाक्य ‘लढेंगे आणि जितेंगे’ आहे. महाराष्ट्रात शांततेत आंदोलनं सुरु आहे. बाकी प्रश्न ज्याच्या त्याच्या विचाराचा आहे. आम्ही अतिक्रमण केले नाही,आणखी लढाई सुरू आहे. आमचं घेतलं किंवा अतिक्रमण केलं असं नाहीये. गरीब मराठ्यांच्या मुलांविषयी निष्ठूर राहणे योग्य नाही. मी भुजबळांचं पूर्ण रेकॉर्डिंग ऐकली नाही. या पाठीमागे राज्यात अशांतता पसरवायची असेल.आम्ही मराठे विचलित होणार नाहीत, मग कुणीही काहीही बोलू द्या. भुजबळ भेटायला आले नाहीत, द्या सोडून विषय. दोघांमध्ये युद्धाचा काही प्रश्न नाही. मात्र, आरक्षणावर कुणी बोललं तर मी सोडणार नाही, अशा शब्दांत मनोज जरांगे यांनी भुजबळांना प्रत्युत्तर दिले.छगन भुजबळांच्या कथित ऑडिओ क्लिपमध्ये नेमकं काय म्हटलंय?
या पार्श्वभूमीवर मनोज जरांगे पाटील यांनी सोमवारी प्रसारमाध्यमांशी संवाद साधला. छगन भुजबळ यांच्या कथित व्हायरल ऑडिओ क्लिपवर बोलताना मनोज जरांगे पाटील म्हणाले की, ‘करेंगे या मरेंगे’ हा त्यांचा प्रश्न आहे. आमचं वाक्य ‘लढेंगे आणि जितेंगे’ आहे. महाराष्ट्रात शांततेत आंदोलनं सुरु आहे. बाकी प्रश्न ज्याच्या त्याच्या विचाराचा आहे. आम्ही अतिक्रमण केले नाही,आणखी लढाई सुरू आहे. आमचं घेतलं किंवा अतिक्रमण केलं असं नाहीये. गरीब मराठ्यांच्या मुलांविषयी निष्ठूर राहणे योग्य नाही. मी भुजबळांचं पूर्ण रेकॉर्डिंग ऐकली नाही. या पाठीमागे राज्यात अशांतता पसरवायची असेल.आम्ही मराठे विचलित होणार नाहीत, मग कुणीही काहीही बोलू द्या. भुजबळ भेटायला आले नाहीत, द्या सोडून विषय. दोघांमध्ये युद्धाचा काही प्रश्न नाही. मात्र, आरक्षणावर कुणी बोललं तर मी सोडणार नाही, अशा शब्दांत मनोज जरांगे यांनी भुजबळांना प्रत्युत्तर दिले.
छगन भुजबळांच्या कथित ऑडिओ क्लिपमध्ये नेमकं काय म्हटलंय?
संबंधित ऑडिओ क्लीपमध्ये छगन भुजबळ आणि एका कार्यकर्त्यामधील फोनवरील संभाषण ऐकायला मिळत आहे. यामध्ये छगन भुजबळ कार्यकर्त्याला सांगत आहेत की, ‘ काही नाही, ती सगळी मंडळी आली आहेत. त्यांचं म्हणणं आहे की आता आपण आवाज उठवायला पाहिजे. मी तर म्हणतोच आहे, आवाज उठवा. एकटा कुठपर्यंत वेळ काढणार. आता तालुका-तालुक्यातून, गावागावातून ज्या पद्धतीने बुलडोझर चालवले जात आहेत, त्यामधून ओबीसी काय वाचणार नाही आता. त्यामुळे आता करेंगे या मरेंगे हेच केलं पाहिजे. काय असंही मरतंय, तसंही मरतंय. मी याविरोधात आता उभा राहतोय, असे छगन भुजबळ कार्यकर्त्याला सांगताना ऐकायला मिळत आहे. त्यावर कार्यकर्त्याने म्हटले की, ‘आम्ही १०० टक्के तुमच्यासोबत आहोत. तुम्ही निर्णय घ्या.’