सिंधुदुर्ग : सिंधुदुर्ग रत्नागिरी लोकसभा मतदारसंघात सध्या एका मोठ्या राजकीय नेत्याने लावलेल्या बॅनरची चर्चा जोरात सुरू आहे. एकेकाळी एकमेकांवर टीकांचे बाण सोडणारे हे राजकीय नेते आता दिवाळीनिमित्त एकाच बॅनरवर दिसून आलेत. सध्या हे बॅनर जिल्ह्यात ठिकठिकाणी लावण्यात आलेले आहेत. त्या बॅनरवर ‘स्वाभिमानी नेतृत्व’ असा मजकूर लिहिला आहे.
सामंत बंधू आणि राणे बंधू यांचे राजकीय वैर कोकणासह अवघ्या महाराष्ट्राने आजवर पाहिले आहे. मात्र कणकवली शहरात छत्रपती शिवाजी महाराज चौकात किरण उर्फ भैयाशेठ सामंत, मंत्री उदय सामंत यांच्या फोटोसह ‘नवा आरंभ नवा विश्वास’ अशा मजकुराने दिवाळी शुभेच्छा देणारा बॅनर झळकला, आणि जो तो बॅनरकडे उत्सुकतेने बघू लागला.
सामंत बंधू आणि राणे बंधू यांचे राजकीय वैर कोकणासह अवघ्या महाराष्ट्राने आजवर पाहिले आहे. मात्र कणकवली शहरात छत्रपती शिवाजी महाराज चौकात किरण उर्फ भैयाशेठ सामंत, मंत्री उदय सामंत यांच्या फोटोसह ‘नवा आरंभ नवा विश्वास’ अशा मजकुराने दिवाळी शुभेच्छा देणारा बॅनर झळकला, आणि जो तो बॅनरकडे उत्सुकतेने बघू लागला.
शिवसेनेच्या बॅनरवर सामंत बंधूंसह चक्क माजी खासदार निलेश राणेंचा फोटो झळकला. याची एकच चर्चा कणकवली शहरासह अवघ्या सिंधुदुर्गात सुरू झाली.
काही दिवसांपूर्वीच माजी खासदार निलेश राणे यांनी भैयाशेठ सामंत यांच्यासोबत उद्योगमंत्री उदय सामंत यांची सदिच्छा भेट घेत हे राजकीय हाडवैर संपवले. त्यानंतर भाजप प्रदेश सचिव असलेले माजी खासदार निलेश राणे यांचा फोटो थेट शिवसेनेच्या बॅनरवर झळकल्यामुळे निलेश राणे नक्कीच मोठा राजकीय निर्णय घेणार असल्याच्या चर्चेला पुन्हा एकदा ऊत आला आहे.
भाजपचे नेते आणि माजी खासदार निलेश राणे यांनी राजकारणातून निवृत्ती घेत आहे, असं ट्विट केल्यानंतर मंत्री उदय सामंत यांनी माजी खासदार निलेश राणे यांची काही दिवसांपूर्वी भेट घेतली होती. त्या भेटीत अनेक राजकीय विषयांवर चर्चा झाली.
सत्ताधाऱ्यांनीच आंदोलन केल्याने चुकीचा संदेश, अजितदादा गटावर मुख्यमंत्र्यांची नाराजी
सध्या माजी खासदार निलेश राणे कुडाळ मालवण विधानसभा लढविण्यास इच्छुक असून या मतदारसंघात जोरदार तयारी सुरू आहे. तर उदय सामंत यांचे बंधू भैया शेठ हे लोकसभा लढवण्यासाठी इच्छुक आहेत. त्यामुळे ही जवळीक असावी, असं म्हटल्यास वावगं ठरणार नाही.
अजितदादांना भाजपच बालेकिल्ल्यात घेरणार, काटेवाडी ग्रामपंचायतीत दादा गटासमोर भाजप
त्याचप्रमाणे उद्धव ठाकरे गटाचे आमदार वैभव नाईक यांना काटे की टक्कर देण्यासाठी मतदारसंघात जोरदार तयारी सुरू आहे. आगामी काळात राणे आणि सामंत यांच्या एकीचं राजकीय चित्र जनतेला पाहायला मिळण्याची शक्यता वर्तवली जात आहे. एकमेकांवर टीकेची एकही संधी न सोडणारे दोन्ही नेते वेगळ्याच वळणावर येऊन थांबले म्हणायला हरकत नाही. मात्र बॅनरवरील हे प्रेम कायम राहील का? असाही प्रश्न जनतेला पडलेला आहे.
Read Latest Maharashtra News And Marathi News