म. टा. विशेष प्रतिनिधी, मुंबई: बांधकाम प्रकल्‍पातून उडणाऱ्या धुळीमुळे निर्माण झालेल्या समस्येप्रकरणी पालिकेने यापूर्वीच वायूप्रदूषण नियंत्रण मार्गदर्शक तत्त्वे जारी केली आहेत. बिल्डरांनी या निर्देशांचे पालन न केल्यास काम थांबवण्याची नोटीस किंवा कामाचे ठिकाण सील करणे, यांसारख्या कठोर कारवाई करण्‍याचा इशारा पालिकेने दिला आहे. दरम्यान, मार्गदर्शक तत्त्वांचे पालन केले जाते की नाही हे पाहण्यासाठी आत्तापर्यंत ८१५ बांधकामांची तपासणी करण्यात आली असून आवश्यक उपाययोजनांसाठी ४६१ प्रकल्पांना नोटिसा (लेखी सूचना) बजावण्यात आल्या आहेत.
मुंबईत वायूप्रदूषण नियंत्रणासाठी खासगी, सरकारी सर्व घटकांनी प्रयत्न करणे आवश्यक असल्याने पालिकेने २५ ऑक्टोबर २०२३ रोजी मार्गदर्शक तत्त्वे जारी केली आहेत. या नियमांचे पालन होते आहे की नाही, यावर देखरेख ठेवण्यासाठी सर्व २४ प्रशासकीय विभागांच्या सहायक आयुक्तांनी पथके नेमली आहेत. या पथकामध्‍ये दोन अभियंता, एक पोलिस, एक मार्शल, वाहन यांच्‍यासह विभाग कार्यालयातील एका वरिष्ठ अधिकाऱ्याचा समावेश आहे. लहान विभागाात दोन पथके, मध्यम विभागाात चार पथके तर, मोठ्या विभागाात सहा पथके तयार करण्यात आली आहेत. ही पथके संबंधित परिसराला भेट देऊन कामाच्या ठिकाणाची पाहणी करत आहेत. तसेच, कामाच्या ठिकाणी मार्गदर्शक तत्त्वांचे दिलेल्या मुदतीत पालन करावे म्हणून लेखी सूचना देत आहेत.
मुंबईत वायूप्रदूषण नियंत्रणासाठी खासगी, सरकारी सर्व घटकांनी प्रयत्न करणे आवश्यक असल्याने पालिकेने २५ ऑक्टोबर २०२३ रोजी मार्गदर्शक तत्त्वे जारी केली आहेत. या नियमांचे पालन होते आहे की नाही, यावर देखरेख ठेवण्यासाठी सर्व २४ प्रशासकीय विभागांच्या सहायक आयुक्तांनी पथके नेमली आहेत. या पथकामध्‍ये दोन अभियंता, एक पोलिस, एक मार्शल, वाहन यांच्‍यासह विभाग कार्यालयातील एका वरिष्ठ अधिकाऱ्याचा समावेश आहे. लहान विभागाात दोन पथके, मध्यम विभागाात चार पथके तर, मोठ्या विभागाात सहा पथके तयार करण्यात आली आहेत. ही पथके संबंधित परिसराला भेट देऊन कामाच्या ठिकाणाची पाहणी करत आहेत. तसेच, कामाच्या ठिकाणी मार्गदर्शक तत्त्वांचे दिलेल्या मुदतीत पालन करावे म्हणून लेखी सूचना देत आहेत.
मुंबईतील सर्व २४ विभागांमधील पथकांनी आपापल्या कार्यक्षेत्रात ३ नोव्हेंबर रोजी ८१५ बांधकाम प्रकल्‍पस्‍थळांना प्रत्‍यक्ष भेटी दिल्या. तसेच, मार्गदर्शक तत्त्वांचे पालन दिलेल्या मुदतीत करावे, यासाठी बांधकाम प्रकल्पांना लेखी सूचना बजावण्यात आल्या आहेत. उर्वरित बांधकाम प्रकल्‍पस्‍थळांनाही भेटी देण्‍याचे वेळापत्रक निश्चित करण्यात आले आहे. तसेच, पालिकेचे संबंधित इतर विभागदेखील ऑटो डीसीआरसारख्या ऑनलाइन प्रणालीतून बांधकाम प्रकल्पांना लेखी सूचना देत आहेत, अशी माहिती पालिकेतर्फे देण्यात आली आहे.
पथकाला दिलेल्या सूचना
– अंमलबजावणी पथकांनी संबंधित परिसराला भेट देऊन कामाच्या ठिकाणाची व्हिडीओ चित्रिकरण करावे.
– कामाच्या ठिकाणी तरतुदींचे पालन होत नसल्याचे निदर्शनास आल्यास, काम थांबवण्याची नोटीस जारी करणे किंवा कामाचे ठिकाण सील करावे
– बांधकाम साहित्य किंवा पाडकाम साहित्य वाहून नेणारी वाहने नियमांचे पालन करत नसल्यास जप्तीची कारवाई करावी.
– मर्यादेपेक्षा अधिक वजन वाहून नेणारी वाहने, न झाकलेली वाहने, रस्त्यांवर बांधकाम साहित्य पडेल अशारीतीने धावणारी वाहने यांच्यावर परिवहन आयुक्त कारवाई करतील.
– ८ वर्षांहून अधिक जुन्या अवजड डिझेल वाहनांना मुंबई कार्यक्षेत्रात वाहतूक करण्यास सक्त मनाई असेल.
– सर्व बांधकाम व्यावसायिकांनी ट्रॅकिंग सिस्टमयुक्त वाहनांचा कामांसाठी वापर करावा.
Read Latest Maharashtra News And Marathi News