मुंबई : ११० मीटर लांब, ५३ मीटर उंच आणि तब्बल ३५०० टन वजन घेऊन हवेच्या आधारे पुढे जाणारी पेरू नौदलाची ‘बी. पी. ए युनियन’ ही आगळी प्रशिक्षणार्थी युद्धनौका बुधवारी मुंबईत दाखल झाली. या नौकेच्या शिडाचे वरील टोक हे समुद्री पृष्ठभागापासून जवळपास १८ मजली उंची होते. तितक्या उंचीवर केवळ एका दोरीवर उभे राहून पेरू नौदलाच्या प्रशिक्षणार्थी अधिकाऱ्यांनी बलार्ड पीयर येथील आगमनावेळी भारतीय राष्ट्रगीताला मानवंदना दिली.
पेरू या दक्षिण अमेरिकेतील देशाचा भारताशी असलेल्या मुत्सद्दी संबंधांना यावर्षी ६० वर्षे पूर्ण झाली आहेत. त्यामुळेच १७ जूनपासून जगसफरीवर निघालेली ‘बी. पी. ए युनियन’ ही युद्धनौका जगभरातील २० बंदरांना भेट देत आहे. त्यादरम्यान त्यांनी भारताला आवर्जून भेट देत मुंबईत थांबा घेतला आहे. हे त्यांचे सातवे बंदर आहे. उपखंडात ही नौका फक्त भारतात आली आहे. १८५६ नंतर १६७ वर्षांनी पेरू नौदलाची नौका भारतात आलीआहे.
पेरू या दक्षिण अमेरिकेतील देशाचा भारताशी असलेल्या मुत्सद्दी संबंधांना यावर्षी ६० वर्षे पूर्ण झाली आहेत. त्यामुळेच १७ जूनपासून जगसफरीवर निघालेली ‘बी. पी. ए युनियन’ ही युद्धनौका जगभरातील २० बंदरांना भेट देत आहे. त्यादरम्यान त्यांनी भारताला आवर्जून भेट देत मुंबईत थांबा घेतला आहे. हे त्यांचे सातवे बंदर आहे. उपखंडात ही नौका फक्त भारतात आली आहे. १८५६ नंतर १६७ वर्षांनी पेरू नौदलाची नौका भारतात आलीआहे.
सिराजचा चेंडू होता की आगीचा गोळा, बॅट्समनला समजलंच नाही की कधी क्लीन बोल्ड झाला…
जगभरातील मोठ्या नौका या सहसा डिझेल-इलेक्ट्रिक प्रकारच्या असतात. या स्थितीत ‘बी. पी. ए युनियन’ या नौकेची रचना कशी? या ‘महाराष्ट्र टाइम्स’च्या प्रश्नावर नौकेचे कॅप्टन जोस लुईस आर्स कोर्झो यांनी सांगितले की, ‘पवन ऊर्जा हे या नौकेचे मुख्य बल आहे. किनारपट्टी भागात आल्यानंतर आम्ही डिझेल-इलेक्ट्रिकचा उपयोग करतो. मात्र बंदरातून बाहेर पडल्यानंतर खुल्या महासागरात आम्ही शिडाचा उपयोग करतो. नौकेचा कमाल वेग ताशी २२ किमी असला तरिही पॅसिफिक महासागरातील एका स्पर्धेत बी.पी.ए युनियनने ताशी २६ किमीचा वेग यशस्वीरित्या गाठला आहे. या आकाराच्या व या वजनाच्या नौकेचा हा वेग तसा सर्वाधिक आहे.’
पेरू देशाला सागरीदृष्ट्या फार धोका नाही. ‘आम्हाला सागरी तस्करीचाही फार धोका नाही. त्यादृष्टीनेच आम्ही या नौकेवर अधिकाऱ्यांना प्रशिक्षित करतो. आमच्या देशाच्या सागरी हद्दीत शिडाच्याआधारे ही नौका सर्वात उपयुक्त ठरते’, असेही कॅप्टन कोर्झो यांनी स्पष्ट केले. पेरूच्या नौदलात अधिकाऱ्यांना वयवर्षे १७ ते २१ दरम्यान प्रशिक्षित केले जाते. त्यापैकी सहा महिन्यांचा कालावधी या नौकेवर असतो, अशी माहिती यावेळी लेफ्टनंट जोसेफ जोस याने दिली.
मुक्त व्यापार करार
भारत आणि पेरू यांच्यात मुक्त व्यापार करारासाठी २०१७ पासून चर्चा सुरू आहे. आता चर्चेची सहावी फेरी डिसेंबरमध्ये होऊन त्याला मूर्त रूप येईल. अशाप्रकारे भारताशी मुक्त व्यापार करार होणारा पेरू हा एकमेव दक्षिण अमेरिकन देश असल्याचे पेरूचे भारतातील दूत जेव्हिअर पौलिनीच यांनी सांगितले.
रविवारपर्यंत थांबा, आज व्हीआयपी भोजन
बी. पी. ए युनियन ही रविवारपर्यंत मुंबईत आहे. यादरम्यान नौकेचा चमू माझगाव डॉकला भेट देईल. तसेच गुरुवारी रात्री अतिमहत्त्वाच्या व्यक्तींसाठी विशेष भोजन व पार्टीचे आयोजन नौकेवर करण्यात आले आहे.
रोहित शर्मा जडेजावर सामना सुरु असताना ता भडकला, व्हिडिओमध्ये पाहा नेमकं काय घडलं…