म. टा. प्रतिनिधी, पुणे : सावित्रीबाई फुले पुणे विद्यापीठात विद्यार्थ्यांच्या सदस्य नोंदणीहून अखिल भारतीय विद्यार्थी परिषद (अभाविप) आणि स्टुडंट फेडरेशन ऑफ इंडिया (एसएफआय) या दोन विद्यार्थी संघटनांच्या कार्यकर्त्यांमध्ये जोरदार हाणामारी झाली. या घटनेनंतर दोन्ही संघटनांच्या कार्यकर्त्यांनी एकमेकांवर आरोप-प्रत्यारोप केले आहे. या घटनेचे गांभीर्य लक्षात घेऊन घटनास्थळी पोलिस दाखल झाले होते.
दिल्लीतील ‘जेएनयू’मध्ये विद्यार्थी संघटना एकमेकांना भिडण्याच्या घटना गेल्या काही वर्षांत घडल्या आहेत. तसाच प्रकार सावित्रीबाई फुले पुणे विद्यापीठात घडल्याचे दिसून आले. यापूर्वी, असाच संघर्ष २०१८ मध्ये पुणे विद्यापीठात झाला होता. एसएफआयची सदस्य नोंदणी सकाळी रिफेक्टरीजवळ सुरू होती. या वेळी परिषदेचे काही कार्यकर्तेही तेथे उपस्थित होते. सदस्य नोंदणीहून दोन्ही संघटनांच्या कार्यकर्त्यांमध्ये वाद झाला. या वादाचे रुपांतर जोरदार मारामारीत झाले. त्यात काही विद्यार्थ्यांना दुखापत झाली. या मारामारीमुळे विद्यापीठात काही काळासाठी तणावाचे वातावरण निर्माण झाले होते. या मारामारीबाबत विद्यापीठाच्या सुरक्षा विभागाने पोलिसांना माहिती दिल्यानंतर, तेथे पोलिस आले. पोलिसांकडून दोन्ही संघटनांच्या कार्यकर्त्यांची बाजू ऐकून घेण्यात आल्याची माहिती विद्यापीठातील सुरक्षा विभागाकडून देण्यात आली. दरम्यान, या प्रकाराची विद्यापीठाकडे कोणाही तक्रार केलेली नाही.
दिल्लीतील ‘जेएनयू’मध्ये विद्यार्थी संघटना एकमेकांना भिडण्याच्या घटना गेल्या काही वर्षांत घडल्या आहेत. तसाच प्रकार सावित्रीबाई फुले पुणे विद्यापीठात घडल्याचे दिसून आले. यापूर्वी, असाच संघर्ष २०१८ मध्ये पुणे विद्यापीठात झाला होता. एसएफआयची सदस्य नोंदणी सकाळी रिफेक्टरीजवळ सुरू होती. या वेळी परिषदेचे काही कार्यकर्तेही तेथे उपस्थित होते. सदस्य नोंदणीहून दोन्ही संघटनांच्या कार्यकर्त्यांमध्ये वाद झाला. या वादाचे रुपांतर जोरदार मारामारीत झाले. त्यात काही विद्यार्थ्यांना दुखापत झाली. या मारामारीमुळे विद्यापीठात काही काळासाठी तणावाचे वातावरण निर्माण झाले होते. या मारामारीबाबत विद्यापीठाच्या सुरक्षा विभागाने पोलिसांना माहिती दिल्यानंतर, तेथे पोलिस आले. पोलिसांकडून दोन्ही संघटनांच्या कार्यकर्त्यांची बाजू ऐकून घेण्यात आल्याची माहिती विद्यापीठातील सुरक्षा विभागाकडून देण्यात आली. दरम्यान, या प्रकाराची विद्यापीठाकडे कोणाही तक्रार केलेली नाही.
एसएफआयच्या कार्यकर्त्यांवर हल्ला
पुणे विद्यापीठामध्ये एसएफआयची सभासद नोंदणी कार्यक्रम शांततेत सुरू असतांना अभाविपच्या कार्यकर्त्यांनी अचानक येऊन, एसएफआयच्या कार्यकर्त्यांवर हल्ला केला. या हल्ल्यात एसएफआयचे राज्य अध्यक्ष व केंद्रीय कमिटी सदस्य सोमनाथ निर्मळ, शहर सचिव अभिषेक शिंदे, गणेश जानकर यांना मार लागला आहे. इतरही कार्यकर्त्यांना सुद्धा मुका मार लागला आहे. घोळक्याने येऊन परवानगी घेतली का? असे प्रश्न विचारुन मारहाण केली. विद्यापीठाच्या सुरक्षा विभागाने देखील फक्त बघ्याची भूमिका घेतली व नंतर मध्यस्थी केली, अशी भूमिका एसएफआयच्या राज्य समितीने मांडली.
विद्यार्थ्यांना मारहाण केली
सावित्रीबाई फुले पुणे विद्यापीठामध्ये एसएफआय आणि इतर डाव्या विचारांच्या संघटनांची परवानगी शिवाय सदस्यता नोंदणी सुरू होती. पुणे विद्यापीठामध्ये रिफेक्टरी जवळच्या परिसरात शेकडो विद्यार्थी खिचडी खाण्यासाठी येतात. खिचडी खायला आलेल्या विद्यार्थ्यांना जबरदस्ती व दमदाटीने सदस्य करून घेण्यात येत होते. यावेळी काही विद्यार्थ्यांनी सदस्य होण्यासाठी नकार दिल्यावर, संबंधित संघटनेच्या कार्यकर्त्यांनी सामान्य विद्यार्थ्यांना मारहाण करायला सुरुवात केली. या मारहाणीमध्ये काही जखमी झाले असून, एका विद्यार्थ्याच्या कपाळावर मोठी जखम झाली आहे.
अभाविपची दादागिरी व गुंडगिरी वाढली असून, आजच्या घटनेत विद्यार्थ्यांना अमानुषपणे लाथा बुक्क्यांनी मारहाण करण्यात आली आहे. या घटनेचा आम्ही निषेध करतो. विद्यापीठातील विद्यार्थी किंवा इतर संघटनांसोबत आम्ही ताकतीने उभे आहोत, याची खात्री देतो. यापुढे अशा पद्धतीची गुंडगिरी सहन केली जाणार नाही, याचे भान अभाविपने ठेवावा.
– अक्षय जैन, अध्यक्ष, महाराष्ट्र प्रदेश युवक काँग्रेस (मीडिया विभाग)