ठाणे: डोंबिवली जवळच्या निळजे येथील लोढा हेवनमध्ये राहणाऱ्या एका सोसायटीतील लहान मुलगा इतर मुलांना खेळताना मारहाण करतो. त्या मुलाला इतर मुलांना मारू नकोस असे सांगितल्याने त्याचा राग त्याच्या कुटुंबियांना आला. त्यांनी रविवारी संध्याकाळी एका मुलाच्या पालकाला बेदम मारहाण करून इतर रहिवाशांना जीवे ठार मारण्याची धमकी दिली.
हिंगणा तिहेरी हत्याकांड; राजू बिरहाच्या फाशीवर ३१ ऑक्टोबरला निर्णय होण्याची शक्यता, वाचा नेमकं प्रकरण
लोढा हेवनमधील ओम प्राईट इमारतीच्या प्रवेशव्दाराजवळ हा प्रकार घडला आहे. या सोसायटीत राहणारे रहिवासी सागर शरद जोशी (३९) हे गॅस ट्रेडिंगचे व्यवसायिक आहेत. त्यांनी याप्रकरणी मानपाडा पोलीस ठाण्यात तक्रार केली आहे. या संदर्भात पोलिसांनी सांगितले की, सोसायटीच्या आवारात लहान मुले एकत्र खेळतात. यावेळी आरोपी धीरज सिंह यांचा लहान मुलगा इतर मुलांना खेळताना मारहाण करतो. सागर यांनी सिंह यांच्या मुलाला इतर मुलांना मारू नकोस म्हणून समजून सांगितले होते. हे मुलाने घरी सांगितले. त्याचा राग सिंह कुटुंबियांना आला.
हिंगणा तिहेरी हत्याकांड; राजू बिरहाच्या फाशीवर ३१ ऑक्टोबरला निर्णय होण्याची शक्यता, वाचा नेमकं प्रकरणलोढा हेवनमधील ओम प्राईट इमारतीच्या प्रवेशव्दाराजवळ हा प्रकार घडला आहे. या सोसायटीत राहणारे रहिवासी सागर शरद जोशी (३९) हे गॅस ट्रेडिंगचे व्यवसायिक आहेत. त्यांनी याप्रकरणी मानपाडा पोलीस ठाण्यात तक्रार केली आहे. या संदर्भात पोलिसांनी सांगितले की, सोसायटीच्या आवारात लहान मुले एकत्र खेळतात. यावेळी आरोपी धीरज सिंह यांचा लहान मुलगा इतर मुलांना खेळताना मारहाण करतो. सागर यांनी सिंह यांच्या मुलाला इतर मुलांना मारू नकोस म्हणून समजून सांगितले होते. हे मुलाने घरी सांगितले. त्याचा राग सिंह कुटुंबियांना आला.
त्यांनी रविवारी संध्याकाळी सागर यांना सोसायटीच्या प्रवेशव्दारावर गाठले. तेथे त्यांना शिवीगाळ करत बेदम मारहाण केली. सिंह यांच्या मित्राने चाकुचा धाक दाखवत सागर यांच्यासह सोसायटीतील इतर रहिवाशांना जीवे ठार मारण्याची धमकी दिली. पोलिसांनी सोसायटीतील रहिवासी धीरज सिंह, आकाश सिंह, आकाश सिंह आणि त्यांचा मित्र यांच्या विरूध्द भादंवि कलम ३२३, ५०४, ५०६ (२), ३४ अन्वये गुन्हा दाखल केला आहे. सहाय्यक पोलीस निरीक्षक सर्जेराव पाटील तपास करत आहेत.