नवीन रूप कसे असेल आणि त्यात नेमके कोणते बदल आवश्यक आहेत, खरेदीदारांसाठी कोणत्या सुविधा येथील जागेत उपलब्ध करून देता येतील इत्यादींसाठी एका सल्लागाराची नियुक्ती करण्यात आल्याची माहिती एका वरिष्ठ अधिकाऱ्याने दिली. सल्लागाराकडून महापालिकेला केलेल्या सादरीकरणात बदल करण्यासाठी तीन पर्याय दिले आहेत. मात्र हे बदल करण्याआधी फॅशन स्ट्रीटवरील दुकानदारांशी चर्चा केली जाणार असल्याचेही समजते.
मुंबईतील गर्भश्रीमंतांच्या परिसरात जलाशयाचा मुद्दा पेटला, प्रकल्पाला रहिवाशांचा विरोध, काय कारण?
… या बदलांचे पर्याय

-फुटपाथवरच दुकाने असल्याने या दुकानांच्या जागेच्या रचनेत बदल केले जातील. दोन ते तीन दुकानांमध्ये काहीसे अंतर ठेवले जाईल. तसेच फुटपाथवरील दुकाने समोरील बाजूने काही प्रमाणात वाढवण्यात आली असून ती मागे कशी घेता येईल, याकडे विशेष लक्ष दिले जाईल. यातून खरेदीसाठी येणाऱ्यांना वावरण्यासाठी मोकळी जागा उपलब्ध करण्याचा प्रयत्न असेल. हे बदल केल्याने येणाऱ्या पर्यटकांना दुकानांमुळे व्यापलेले क्रॉस मैदानही पाहण्याची संधी मिळेल.

– या परिसरात उत्तम आसनव्यवस्था केली जाईल. जेणेकरून खरेदीस बराच वेळ लागल्यास काहींना येथील आसनांवर बसता येईल.
– येथे सध्या चांगले प्रसाधनगृह नाही. त्यामुळे पुरूष आणि महिलांसाठी प्रसाधनगृहेही उपलब्ध केली जातील.
-येथे सायंकाळनंतर फूड ट्रकसारखी सेवाही उपलब्ध करण्याचा विचार आहे.
– आकर्षक दिवे बसवले जातील. यासह अन्य काही सुविधांचीही भर पडण्याची शक्यता आहे.

सुरक्षेची काळजी घेणार

नोव्हेंबर, २०२२मध्ये फॅशन स्ट्रीटवरील २० ते २२ दुकानांना दुकानांना मोठी आग लागली होती. यामध्ये दुकाने आणि त्यातील कपडे पूर्णपणे जळून खाक झाले होते. अशी दुर्घटना पुन्हा घडू नये, याची खबरदारी घेतली जाणार आहे. महत्त्वाची बाब म्हणजे, मुंबई शहर पालकमंत्री दीपक केसरकर यांनीही या प्रकल्पात रूची दाखवली असून फॅशन स्ट्रीटचे रूपडे पालटले जाईल, अशी माहिती त्यांनी नुकतीच दिली होती.