म. टा. वृत्तसेवा, कळवण : कोजागरी पौर्णिमेनिमित्त राज्यातील विविध भागांतून सजून-धजून आलेल्या शेकडो तृतीयपंथींनी सप्तशृंग गडावर पारंपरिक पद्धतीने मोठ्या भक्तिभावाने भगवतीचा छबिना काढला. त्यानंतर तृतीयपंथींच्या गुरूंच्या उपस्थितीत रात्रभर गीत-नृत्य सादर करीत मातेचा जागर करण्यात आला.
श्रीक्षेत्र सप्तश्रृंग गडावर दरवर्षी कोजागरी पौर्णिमेला वेगवेगळ्या भागांतून आलेल्या तृतीयपंथींचा मेळा भरतो. या मेळ्यासाठी सप्तशृंग गडावर राज्यभरातील तृतीयपंथी दाखल झाले. यात मुंबई, पुणे, कल्याण, नाशिक जिल्ह्यासह मध्य प्रदेशातील तृतीयपंथींचाही समावेश होता. तृतीयपंथींच्या १५ ते २० विविध संघटनांनी दिवसभरात देवीचा छबिना म्हणजे मिरवणुका काढल्या. चंद्रग्रहण असल्यामुळे काही समूहांनी दुपारीच मिरवणुका आटोपून घेतल्या, तर काहींनी वेळ पुढे ढकलत रात्री उशिरा मिरवणुका काढल्या. त्यानंतर त्यानंतर रात्री त्यांचा मेळा भरविण्यात आला. यात गुरूला शिष्याकडून भेट देण्याची पंरपरा आहे. शिष्याला दीक्षा देण्याचेही कार्यक्रम झाले. रात्रभर जागर करून देवीच्या गीतांचे गायन करण्यात आले. ठिकठिकाणच्या कार्यक्रमांत जाऊन तृतीयपंथींनीही नृत्य केले. सुवर्णालंकार परिधान करून तृतीयपंथी सवाद्य मिरवणुकीत सहभागी झाले होते. पौर्णिमेला सायंकाळी अभिषेकास प्रारंभ होऊन मध्यरात्री १२ वाजता त्याची पूर्णाहुती होऊन कोजागरी उत्सवाची सांगता होते. नाशिक जिल्हा मानवता किन्नर समाज, श्रीसलमा गुरू नायक, १००८ श्रीपायल गुरू, मुंबई येथील भास्कर गुरू, पुणे येथील मनीष मोहिते, डिंपल थोपटे, रौनक यांच्यासह दिवसभरात १५ ते २० समूहांनी गडावर छबिना उत्सव मिरवणूक काढली. पोलिस प्रशासन, महसूल, शासकीय विभाग व विश्वस्त संस्था सुरक्षा कर्मचाऱ्यांच्या चोख बंदोबस्तात या मिरवणुका काढण्यात आल्या. तहसीलदार रोहिदास वारुळे, ॲड. ललित निकम, भूषण तळेकर, व्यवस्थापक सुदर्शन दहातोंडे, कार्यकारी अधिकारी भगवान नेरकर, प्रकाश जोशी, प्रकाश पगार आदींसह भाविक मोठ्या संख्येने उपस्थित होते.
श्रीक्षेत्र सप्तश्रृंग गडावर दरवर्षी कोजागरी पौर्णिमेला वेगवेगळ्या भागांतून आलेल्या तृतीयपंथींचा मेळा भरतो. या मेळ्यासाठी सप्तशृंग गडावर राज्यभरातील तृतीयपंथी दाखल झाले. यात मुंबई, पुणे, कल्याण, नाशिक जिल्ह्यासह मध्य प्रदेशातील तृतीयपंथींचाही समावेश होता. तृतीयपंथींच्या १५ ते २० विविध संघटनांनी दिवसभरात देवीचा छबिना म्हणजे मिरवणुका काढल्या. चंद्रग्रहण असल्यामुळे काही समूहांनी दुपारीच मिरवणुका आटोपून घेतल्या, तर काहींनी वेळ पुढे ढकलत रात्री उशिरा मिरवणुका काढल्या. त्यानंतर त्यानंतर रात्री त्यांचा मेळा भरविण्यात आला. यात गुरूला शिष्याकडून भेट देण्याची पंरपरा आहे. शिष्याला दीक्षा देण्याचेही कार्यक्रम झाले. रात्रभर जागर करून देवीच्या गीतांचे गायन करण्यात आले. ठिकठिकाणच्या कार्यक्रमांत जाऊन तृतीयपंथींनीही नृत्य केले. सुवर्णालंकार परिधान करून तृतीयपंथी सवाद्य मिरवणुकीत सहभागी झाले होते. पौर्णिमेला सायंकाळी अभिषेकास प्रारंभ होऊन मध्यरात्री १२ वाजता त्याची पूर्णाहुती होऊन कोजागरी उत्सवाची सांगता होते. नाशिक जिल्हा मानवता किन्नर समाज, श्रीसलमा गुरू नायक, १००८ श्रीपायल गुरू, मुंबई येथील भास्कर गुरू, पुणे येथील मनीष मोहिते, डिंपल थोपटे, रौनक यांच्यासह दिवसभरात १५ ते २० समूहांनी गडावर छबिना उत्सव मिरवणूक काढली. पोलिस प्रशासन, महसूल, शासकीय विभाग व विश्वस्त संस्था सुरक्षा कर्मचाऱ्यांच्या चोख बंदोबस्तात या मिरवणुका काढण्यात आल्या. तहसीलदार रोहिदास वारुळे, ॲड. ललित निकम, भूषण तळेकर, व्यवस्थापक सुदर्शन दहातोंडे, कार्यकारी अधिकारी भगवान नेरकर, प्रकाश जोशी, प्रकाश पगार आदींसह भाविक मोठ्या संख्येने उपस्थित होते.
कावडधारकांची सकाळपासूनच वर्दी
सलग दोन दिवस सुट्या आल्याने देवीच्या जागर-गोंधळाने सप्तशृंग गड गजबजून गेला होता. कोजागरी पौर्णिमेला अर्थात शनिवारी सकाळी ८ वाजेपासून कावडधारकांसह भाविकांनी शिवालय तीर्थावर गर्दी करून आपापल्या ग्रुपबरोबर देवीच्या मंदिराकडे येताना दिसत होते. कावडधारकांना दुपारी बारा वाजेनंतर देवीच्या अभिषेकासाठी क्षिप्रा, गोदावरी, नर्मदा, गंगा, जमुना, कावेरी, मुळा, मुठा, रामेश्वर, इद्रांयणी आदी पवित्र नद्यांचे जल घेण्यासाठी संस्थानमार्फत भगवती मंदिरात स्वतंत्र व्यवस्था करण्यात आली होती. या सर्व नद्यांचे जल एकत्र करून १० वाजता देवीच्या अभिषेकास सुरुवात करण्यात आली. त्यांनतर बारा वाजता भगवतीची आरती झाली. देवीच्या जयघोषाने गड दुमदुमून गेला होता. मंदिरात जाण्यासाठी भाविकांनी गर्दी केल्याने दुपारी पायऱ्यांवर १५ ठिकाणी बाऱ्या लावून भाविकांना मंदिरात टप्प्याटप्प्याने सोडण्यात येत होते. सप्तशृंग देवस्थान ट्रस्टच्या प्रसादालयात भाविकांना मोफत महाप्रसादाची व्यवस्था करण्यात आली होती. दिवसभरात ३० ते ३५ हजार भाविकांनी महाप्रसादाचा लाभ घेतला.
– शिवालय तीर्थावर स्नान, अभिषेक, पूजा करण्यात आली.
– मिरवणूक मार्गावर तृतीयपंथींसह भाविकांची गर्दी
– जिल्हाभरातून कावडधारकांची पायी यात्रा
– गडावर खासगी वाहनांना बंदी, एसटीचीच वाहतूक सुरू