साध्या डोळ्यांनी पाहता येईल

शनिवारचे चंद्रग्रहण संपूर्ण भारतातून साध्या डोळ्यांनी पाहता येईल. चंद्राचा पृथ्वीच्या उपछायेतून होणारा प्रवास साध्या डोळ्यांना जाणवणार नसला, तरी चंद्रावर पृथ्वीची गडद सावली पडल्यामुळे घडणारी खंडग्रास अवस्था साध्या डोळ्यांनी पाहता येईल.
चंद्रग्रहणात काय करावे आणि काय करू नये, जाणून घेऊया सर्व खास गोष्टी
असे होते चंद्रग्रहण

सूर्य, पृथ्वी आणि चंद्र एका रेषेत आणि एका प्रतलात आल्यावर चंद्रग्रहण होते. पृथ्वीपेक्षा सूर्याचा आकार बराच मोठा असल्यामुळे पृथ्वीची अवकाशात गोलाकार मुख्य गडद छाया आणि त्याभोवती फिकट उपछाया अस्तित्वात असते. चंद्राचा पृथ्वीच्या गडद सावलीतून प्रवास झाला, तर खग्रास किंवा खंडग्रास चंद्रग्रहण दिसते. तर, चंद्राचा पृथ्वीच्या गडद सावलीभोवतीच्या फिकट सावलीतून प्रवास झाला तर उपछाया चंद्रग्रहण दिसते.