सकाळी ८ वाजता सांगाव येथून पदयात्रेस प्रारंभ होऊन सांगाव कागलमार्गे येऊन शाहू कारखाना कार्यस्थळावर ४०० रूपयाचा हप्ता दिल्याशिवाय गळीत हंगाम सुरू न करण्याचे निवेदन दिले. दि. १७ ऑक्टोबर पासून पदयात्रा सुरू होऊन गुरूदत्त, जवाहर, घोरपडे, शाहू, वारणा, क्रांती, वसंतदादा, राजारामबापू आदी ३७ साखर कारखान्यांवर २२ दिवस ५२२ किमी पदयात्रा चालत जाऊन ७ नोव्हेंबर रोजी जयसिंगपूर येथील ऊस परिषदेत ही पदयात्रा सामील होणार आहे. जोपर्यंत ४०० रूपयांचा हप्ता दिला जात नाही. तोपर्यंत एकाही साखर कारखान्याची ऊस तोड सुरू होणार नसल्याचा इशारा राजू शेट्टी यांनी दिला आहे. पदयात्रेत जास्तीत जास्त शेतकऱ्यांनी सामील व्हावे, असे आवाहन शेट्टी यांनी केले आहे.